Gerðabók rættarnevnd Løgtingsins fyri tingsetuna 2006
28. fundur
Ár 2007, mánadagin hin 23. apríl, kl.9.45 var fundur í rættarnevnd Løgtingsins.
Á fundi vóru:
Marjus Dam, formaður
Kaj Leo Johannesen
Poul Michelsen
John Johannessen f. Sverra Midjord
Finnur Helmsdal
Bill Justinussen
Skrivari:
Jóhanna Arge
Til viðgerðar:
1.
Gerðabókin
Gerðaðbókin frá 27.
fundi 16. apríl 2007 varð býtt út, lisin upp og góðkend.
2.
Løgtingsmál nr.
59/2006: Uppskot til samtyktar um inntøkujavningarskipan millum kommunurnar í
Føroyum
Kl. 9.50 kom Hermann
Oskarsson, stjóri á Hagstovu Føroya, saman við Axel Nolsøe, deildarleiðara, á
fund við nevndina. Teir fóru av aftur fundinum kl. 10.30.
Málið varð umrøtt. Avgjørt varð at skriva álit.
3.
Løgtingsmál nr.
84/2006: Uppskot til løgtingslóg um broyting í løgtingslóg um íløt til øl,
mineralvatn og lidnar leskidrykkir
Kl. 10.55 kom Einar
Waag, stjóri á Føroya Bjór, á fundin. Hann fór av aftur fundinum kl. 11.30, tá
Jan Mortensen, stjóri í Vinnuhúsinum, kom á fundin. Hann fór av aftur fundinum
kl. 11.50.
Fundurin varð niðurlagdur kl. 11.50 og uppafturtikin kl. 13.35.
Kl. 13.40 kom landsstýrismaðurin saman við Rúna Joensen, aðalstjóra, og Eyðbirni
Larsen og Katrinu Mariu Johannesen, deildarstjórum, á fund við nevndina.
Málið varð umrøtt.
Nevndin gjørdi av at
boðsenda løgmanni á fund við nevndina.
4.
Løgtingsmál nr. 98/2006: Uppskot til løgtingslóg um fólkayvirlit
Málið
varð umrøtt við landsstýrismannin, sum saman við embætisfólkunum fór av aftur
fundinum kl. 14.45.
Málið varð umrøtt. Avgjørt
varð at skriva álit.
Næsti fundur:
Eingin nýggjur fundur varð ásettur.
Fundur lokin kl. 14.50
Jóhanna Arge
skrivari