Gerðabók rættarnevnd Løgtingsins fyri tingsetuna 2006

11. fundur

Ár 2006, mánadagin hin 27. november, kl. 9.30, var fundur í rættarnevnd Løgtingsins.

Á fundi vóru:

Alfred Olsen, formaður

Kristian Magnussen, næstformaður

Poul Michelsen

Sverre Midjord

Marjus Dam

Finnur Helmsdal

Bill Justinussen

Skrivari:

Birita S. Samuelsen

Til viðgerðar:

1.      Gerðabókin
Gerðabókin frá 10. fundi tann 24. november 2006 varð býtt út, lisin upp og góðkend.
 

2.      Løgtingsmál nr. 20/2006: Uppskot til ríkislógartilmæli um broyting í revsilógini (Forboð móti at gera mun á fólki vegna ”kynsliga orientering”)
Kl. 10.00 kom Bogi Davidsen á fund við nevndina. Frá Boga Davidsen fekk nevndin skrivligt innlegg við viðmerkingum til lógarbroytingina, skjal C. Bogi Davidsen fór av fundi aftur kl. 10.35.

Kl. 10.40 kom Sonja Jógvansdóttir á fund við nevndina. Frá Sonju Jógvansdóttir fekk nevndin avrit av eini talu, sum hon helt tann 27. august 2005 í sambandi við ANSO ráðstevnuna, skjal D. Hon fór av fundi aftur kl. 11.05.

Kl. 11.05 kom Kartin Høgnesen á fund við nevndina. Hann fór av fundi aftur kl.  11.25.

Kl. 11.25 komu Birta Biskopstø og Karin Dahl á fund við nevndina. Tær fóru av fundi aftur kl. 12.00.

Fundurin varð niðurlagdur kl. 12.05 og uppafturtikin kl. 13.25

Kl. 13.30 kom Sølvar Michelsen á fund við nevndina. Hann fór av fundi aftur kl. 14.00.

Kl. 14.00 kom Jógvan Zachariassen á fund við nevndina. Frá Jógvan Zachariassen fekk nevndin skrivligt innlegg við viðmerkingum til lógarbroytingina, skjal E. Hann fór av fundi aftur kl. 14.50.

Kl. 14.50 komu Margreta Nónklett, samskipari, og Charlotte Balleby, praktikantur, frá Amnesty International, Føroya Deild, á fund við nevndina. Frá Amnesty fekk nevndin skrivligt innlegg við viðmerkingum til lógarbroytingina, skjal F. Frá Amnesty fekk nevndin eisini frágreiðingina Crimes of hate, conspiracy and silence, skjal G, og Heimsyvirlýsing sameindu tjóða um mannarættindi fimti ár, skjal H. Umboðini fyri Amnesty fóru av fundi aftur kl. 15.25.

Málið varð umrøtt.

Næsti fundur:

Formaðurin setti næsta fund at verða hósdagin hin 30. november 2006, kl. 9.30, við hesi skrá:

1. Gerðabókin
2. Løgtingsmál nr. 21/2006: Uppskot til samtyktar um Føroyar sum eitt valdømi
3. Løgtingsmál nr. 29/2006: Uppskot til løgtingslóg um broyting í ymiskum løgtings- og ríkislógum í smb. við kærunevndina í lendismálum
4. Løgtingamál nr. 30/2006: Uppskot til løgtingslóg um kærunevnd í lendismálum
5. Løgtingsmál nr. 20/2006: Uppskot til ríkislógartilmæli um broyting í revsilógini (Forboð móti at gera mun á fólki vegna ”kynsliga orientering”)

Hesi koma á fund við nevndina:

Kl. 10.00 Zacharias Wang í smb við pkt. 2 á dagsskránni

Kl. 10.30 Petur Zachariassen í smb við pkt. 2 á dagsskránni

Kl. 11.00 KSF og Føroya Kommunufelag í smb við pkt. 3 og 4 á dagsskránni

Kl. 11.30 landsstýrismaðurin í innlendismálum í smb. við pkt. 2, 3 og 4 á dagsskránni.

Fundur lokin kl. 15.45

Birita S. Samuelsen
skrivari