Gerðabók rættarnevnd Løgtingsins fyri tingsetuna 2006
8. fundur
Ár 2006, týsdagin hin 14. november, kl. 9.30, var fundur í rættarnevnd Løgtingsins.
Á fundi vóru:
Alfred Olsen, formaður
Poul Michelsen
Sverre Midjord
Marjus Dam
Finnur Helmsdal
Bill Justinussen
Skrivari:
Birita S. Samuelsen
Til viðgerðar:
1.
Gerðabókin
Gerðabókin frá 7. fundi tann 6.
november 2006 varð býtt út, lisin upp og góðkend.
2.
Løgtingsmál nr. 16/2006:
Uppskot til ríkislógartilmæli um at seta í gildi fyri Føroyar ”lov om
forældremyndighed og samvær”
Klokkan 10.00 kom Anna Dam, leiðari
fyri Barnaverndarstovuna, á fund við nevndina. Hon fór av fundi aftur kl. 10.25.
Klokkan 10.30 kom Søren Christensen, ríkisumboðsmaður, á fund við nevndina saman
við Dorte Palm Mortensen, fulltrúa. Tey fóru av fundi aftur klokkan 11.00.
Klokkan 11.00 kom Jacob Vestergaard, landsstýrismaður í innlendismálum, á fund
við nevndina saman við Rúna Joensen, aðalstjóra.
Eftir áheitan frá nevndini fekk nevndin frá landsstýrismanninum frágreiðingina
”Foreldramyndugleiki og samverurættur”, sum undanfarna landsstýri hevur gjørt.
Landsstýrismaðurin og aðalstjórin fóru av fundi aftur klokkan 11.15.
Málið varð umrøtt, og avgjørt varð at skriva álit.
3.
Løgtingsmál nr. 18/2006:
Uppskot til løgtingslóg um broyting í løgtingslóg um fólka- og farmaflutning
Málið varð umrøtt. Avgjørt varð at
innkalla landsstýrismannin í innlendismálum og Dávur Reinert Hansen, stjóra í
Vágatunlinum og Norðoyatunlinum, á fund við nevndina.
4.
Løgtingsmál nr. 20/2006:
Uppskot til ríkislógartilmæli um broyting í revsilógini (Forboð móti at gera mun
á fólki vegna ”kynsliga orientering”)
Málið varð umrøtt.
Næsti fundur:
Formaðurin setti næsta fund at verða mánadagin hin 20. november 2006, kl. 9.30, við hesi skrá:
Í samband við pkt. 2 á dagsskránni koma hesi á fund við nevndina:
Kl. 10.00 Dávur Reinert Hansen, stjóri í Vágatunlinum og Norðoyatunlinum
Kl. 10.30 Landsstýrismaðurin í innlendsimálum
Fundur lokin kl. 12.05
Birita S. Samuelsen
skrivari