Gerðabók rættarnevnd Løgtingsins fyri tingsetuna 2006
4. fundur
Ár 2006, mánadagin hin 16. oktober, kl. 9.20, var fundur í rættarnevnd Løgtingsins.
Á fundi vóru:
Alfred Olsen, formaður
Poul Michelsen
Marjus Dam
John Johannessen (f. Sverra Midjord)
Finnur Helmsdal
Bill Justinussen
Kristian Magnussen var ikki á fundi.
Løgtingsformaðurin møtti sum eygleiðari ein part av fundinum.
Skrivari:
Birita S. Samuelsen
Til viðgerðar:
1.
Gerðabókin
Gerðabókin frá 3. fundi tann 9.
oktober 2006 varð býtt út, lisin upp og góðkend.
2. Ummæli til fíggjarnevndina av táttum í fíggjarlógaruppskotinum fyri 2007, ið snúgva seg um málsøki hjá rættarnevndini
Skrivarin býtti svarið frá landsstýrismanninum út, skjal Dd.
Klokkan 9.20 kom Jacob Vestergaard, landsstýrismaður í innlendismálum, á fund við nevndina saman við Rúna Joensen, aðalstjóra, Hilmar Høgenni, deildarstjóra, Hugin Skaalum, fíggjarfulltrúa, og Niels Juel Arge, virkandi strandferðslustjóra.
Landsstýrimaðurin gjøgnumgekk svarini.
3. Løgtingsmál nr. 11/2006: Uppskot til løgtingslóg um broyting í løgtingslóg um val til allar føroyskar kommunur
Landsstýrismaðurin var eisini á fundi í sambandi við hetta mál.
Frá landsstýrismanninum fekk nevndin eitt avrit av einum telduposti við upplýsingum um, hvussu nógv fólk við fremmandum rikisborgararætti hava búð í Føroyum tey seinastu 3 árini.
Landsstýrismaðurin og embætisfólkini fóru av fundi kl. 9.55.
Frá skrivaranum fekk nevndin eitt skjal, sum lýsir, hvussu valrætturin er hjá útlendingum til komunuval í Norðanlondum.
Klokkan 11.00 komu Rósa Samuelsen, formaður, og Sveiney Sverrisdóttir, skrivari í Føroya Kommunufelag, og Jens Marius Poulsen, starvsbólkaformaður, og Jóan Petur Hentze, aðalskrivari í Kommunusamskipan Føroya, á fund við nevndina. Tey fóru av fundi kl. 11.15.
Málið varð umrøtt, og avgjørt var at skriva álit.
4. Løgtingsmál nr. 8/2006: Uppskot til samtyktar um lívfrøðiligt margfeldi
Stundir vóru ikki til at viðgera málið.
5. Løgtingsmál nr. 12/2006: Uppskot til samtyktar um eina null-loysn ætlan viðvíkjandi rúsevnum í Føroyum
Stundir vóru ikki til at viðgera málið.
Næsti fundur:
Formaðurin setti næsta fund at verða mikudagin hin 18. oktober 2006, kl. 8.30, við hesi skrá:
Kl. 8.30 kemur landsstýrismaðurin í innlendismálum á fund við nevndina í smb. við pkt. 2 á dagsskránni
Fundur lokin kl. 12.00
Birita S. Samuelsen
skrivari