Gerðabók mentanarnevnd Løgtingsins fyri tingsetuna 2006
13. fundur
Ár 2007, týsdagin hin 10. apríl, kl. 9.40 var fundur í mentanarnevnd Løgtingsins.
Á fundi vóru:
Óli Breckmann, næstformaður
Marjus Dam var ikki á fundi.
Skrivari:
Jóhanna Arge
Til viðgerðar:
1.
Gerðabókin
Gerðabókin
frá 12. fundi 27. mars 2007 varð býtt út, lisin upp og góðkend.
2.
Løgtingsmál nr. 58/2006: Uppskot til løgtingslóg um broyting í løgtingslóg um
kringvarp
Kl. 9.55 komu
Petur Jacobsen og Jan Jacobsen umboðandi Rás 2 á fundin. Teir fóru av aftur
fundinum kl. 10.15, tá Jógvan Jespersen, stjóri, og Rúni Heinesen, formaður í
stýrinum fyri Kringvarp Føroya, komu á fundin. Teir fóru av aftur fundinum kl.
10.35.
Málið varð umrøtt. Avgjørt varð at skriva álit.
3.
Løgtingsmál nr. 93/2006: Uppskot til samtyktar um alment listakeyp
Kl. 11.15 kom
landsstýrismaðurin í mentamálum saman við Jóannes Dalsgaard, deildarstjóra, og
Mayfinn Norðoy, deildarleiðara á Landsverki, á fund við nevndina. Mayfinn Norðoy
fór av fundinum kl. 11.50.
Málið varð umrøtt. Avgjørt varð at skriva álit.
4.
Løgtingsmál nr. 106/2006: Uppskot til løgtingslóg um lestrarstuðul
Kl. 11.50 kom
Terji á Lakjuni, stjóri á Stuðulsstovninum, á fundin. Hann fór av aftur fundinum
kl. 12.30.
5.
Løgtingsmál nr. 81/2006: Uppskot til samtyktar um Týðaragrunn Landsins
Málið varð
umrøtt. Avgjørt varð at skriva álit.
Pkt. 2 á dagsskránni varð umrøtt við landsstýrismannin, sum saman við Jóannes
Dalsgaard fór av fundinum kl. 13.00.
Næsti fundur:
Formaðurin setti næsta fund at verða týsdagin hin 17. apríl 2007, kl. 9.30 við hesi skrá:
1. Gerðabókin
2. Løgtingsmál 70/2006: Uppskot til samtyktar um at seta nevnd at endurskoða fólkaskúlalógina
3. Løgtingsmál 108/2006: Uppskot til løgtingslóg um miðlaráð til verju fyri børn og ung.
4. Løgtingsmál 106/2006: Uppskot til løgtingslóg um lestrarstuðul
5. Løgtingsmál 112/2006: Uppskot til løgtingslóg um broyting í løgtingslóg um at veita stuðul sum rentu- og avdráttarfrítt lán til at byggja miðnámsskúla í Marknagili í Tórshavn
Í sambandi við pkt. 2 á dagsskránni koma hesi á fund við nevndina:
Kl. 10.00 Føroya Lærarafelag
Kl. 10.30 Landsstýrismaðurin saman við rektaranum á Føroya Læraraskúla
Í sambandi við pkt. 3 á dagsskránni koma hesi á fund við nevndina:
Kl. 11.00 Filmseftirlitið
Kl. 11.30 Landsstýrismaðurin
Fundur lokin kl. 13.15
Jóhanna Arge
skrivari