Gerðabók fyri formansskap Løgtingsins tingsetan 2006
15. fundur
Ár 2007, mikudagin hin 30. mai, kl. 10.00, var fundur í formansskapi Løgtingsins.
Á fundi vóru:
Edmund Joensen, formaður
Hergeir Nielsen, 1. næstformaður
Vilhelm Johannesen, 2. næstformaður
Óli Breckmann, 3. næstformaður
Til viðgerðar:
1.
Gerðabókin
Gerðabókin frá 2. mai 2007 varð góðkend.
2.
Broytingaruppskot til løgtingsmál nr. 121/2006
Sambært uppriti frá umsitingini varð mælt til
at burturvísa pkt. 3 í broytingaruppskoti frá minnilutanum um, at
landsstýrismaður skal vera limur í fólkakirkjuni, tí hetta gongur í móti § 27,
stk. 2, 2. pkt.
Meirilutin tók undir við, at formaðurin mælir Løgtinginum til at burturvísa
uppskotinum. Hergeir Nielsen tók ikki undir við málinum.
3.
Grannskoðaður roknskapur hjá Løgtinginum fyri roknskaparárið 2005
Roknskapurin varð undirskrivaður.
4.
Ymist
a) Vallógin. Formaðurin bað um undirtøku at
fara undir at fyrireika uppskot at leggja fyri tingið, at Føroyar verða eitt
valdømi.
Óli Breckmann tók undir við formanninum.
Hergeir
Nielsen mælir løgtingsformanninum frá at draga formansskapin inn í eitt mál,
sum nýliga er viðgjørt og fallið á tingi. Tað er sera darvandi fyri integritetin
hjá formansskapinum, at hesin gerst partur í einum viðgjørdum máli, sum skilir
Løgtingið sundir í áleið javnstórar partar, og serstakliga óheppið fyri
formannin, sum er valdur av einum samdum Løgtingi.
Vilhelm Johannesen tekur ikki undir við, at
formansskapurin fyrireikar slíkt uppskot.
b) Avgjørt var, at vísa uppskotið til nýtt løgtingshús fyri tingmonnum eftir
løgtingsfundin fríggjadagin 1. juni.
Fundur lokin kl. 12.00
Edmund Joensen
formaður
Súsanna Danielsen
skrivari