Gerðabók Rættarnevnd Løgtingsins fyri tingsetuna 2005
8. fundur
Ár 2005, mánadagin hin 28. november, kl. 10.15, var fundur í rættarnevnd Løgtingsins.
Á fundi vóru:
Alfred Olsen, formaður
Poul Michelsen
Finnur Helmsdal
Bill Justinussen
Sverre Midjord og Marjus Dam vóru ikki á fundi.
Skrivari:
Birita S. Samuelsen
Til viðgerðar:
1.
Gerðabókin
Gerðabókin frá 7. fundi tann 21.
november 2005 varð býtt út, lisin upp og góðkend.
2.
Løgtingsmál nr. 21/2005:
Uppskot til ríkislógartilmæli um broyting í revsilógini (Forboð móti at gera mun
á fólki vegna ”kynsliga orientering”)
Klokkan 10.30 kom Karen Marie Olesen,
fúti, og Finn Ougaard, varðafúti, á fund við nevndina. Fútin og varðafútin fóru
av fundi aftur klokkan 11.00.
Klokkan 11.00 kom Jógvan við Keldu, landsstýrismaður í innlendismálum, á fund
við nevndina saman við Rúna Joensen, aðalstjóra.
Nevndin heitti á landsstýrismannin um at kanna, hvørjir altjóða sáttmálar eru
galdandi á økinum, og hvørjar landsstýrið hevur tikið undir við.
Landsstýrismaðurin og aðalstjórin fóru av fundi aftur klokkan 11.20.
Klokkan 11.25 kom Tormóður Stórá, psykiatari, á fund við nevndina. Hann
fór av fundi aftur klokkan 11.50.
Málið varð umrøtt. Avgjørt varð, at nevndarlimirnir koma við sínum viðmerkingum
til álitið í seinasta lagið mikudagin 30. november 2005.
3.
Løgtingsmál nr.
40/2005: Uppskot til løgtingslóg um broyting í løgtingslóg um tinglýsing
Avgjørt varð at innkalla
umboð fyri Tinglýsingina og landsstýrismannin í innlendismálum.
Næsti fundur:
Formaðurin setti næsta fund at verða mánadagin hin 5. desember 2005, kl. 10.00, við hesi skrá:
1. Gerðabókin
2. Løgtingsmál nr. 40/2005: Uppskot til løgtingslóg um broyting í løgtingslóg um tinglýsing
Hesi koma á fund við nevndina í smb. við pkt. 2 á dagsskránni:
Kl. 10.30 Umboð fyri Tinglýsingina
Kl. 11.00 Landsstýrismaðurin í innlendismálum
Fundur lokin kl. 12.15
Birita S. Samuelsen
skrivari