Gerðabók Rættarnevnd Løgtingsins fyri tingsetuna 2005

4. fundur

Ár 2005, mánadagin hin 24. oktober, kl. 9.55, var fundur í rættarnevnd Løgtingsins.

Á fundi vóru:

Alfred Olsen, formaður

Kristian Magnussen, næstformaður

Poul Michelsen

Finnur Helmsdal

Mikkjal Sørensen, Marjus Dam og Bill Justinussen vóru ikki á fundi.

Skrivari:

Birita S. Samuelsen

Til viðgerðar:

1.      Gerðabókin
Gerðabókin frá 3. fundi tann 21. oktober 2005 varð býtt út, lisin upp og góðkend.
 

2.      Løgtingsmál nr. 8/2005: Uppskot til løgtingslóg um broyting í løgtingslóg um val til Føroya Løgting
Klokkan 10.05 kom Zakarias Wang á fund við nevndina. Frá Zakarias Wang fekk nevndin nakrar skrivligar viðmerkingar til uppskotið. Zakarias Wang fór av fundi aftur klokkan 10.45.

Klokkan 10.50 kom Petur Zachariassen á fund við nevndina. Frá Petur Zachariassen fekk nevndin eitt uppskot til nýggjan útrokningarhátt til løgtingsval, eina tøknifrágreiðing ”Frá atkvøðum til tingsessir”, upplegg til ein fyrilestur, sum Petur Zachariassen hevur hildið, og eitt upprit ”ein máti at staðfesta úrtslitið av Balinski háttinum”. Petur Zachariassen fór av fundi aftur klokkan 11.40.
 

3.      Løgtingsmál nr. 11/2005: Uppskot til løgtingslóg um túratal hjá Smyrli
Klokkan 11.40 kom Jacob Vestergaard, formaður fyri Samferðslubólkin í Suðuroynni, á fund við nevndina. Frá Jacob Vestergaard fekk nevndin avrit av einum fyrilestri, sum Bjarni Mortensen helt á einum evnisdegi um Samferðsluna við Suðuroynna.

Jacob Vestergaard fór av fundi klokkan 12.20

Næsti fundur:  

Formaðurin setti næsta fund at verða mánadagin hin 31. oktober, kl. 10.00, við hesi skrá:

1.      Gerðabókin

2.      Løgtingsmál nr. 8/2005: Uppskot til løgtingslóg um broyting í løgtingslóg um val til Føroya Løgting

3.      Løgtingsmál nr. 11/2005: Uppskot til løgtingslóg um túratal hjá Smyrli

Landsstýrismaðurin í innlendismálum kemur á fund við nevndina klokkan 10.15 í smb. við viðgerð av pkt. 2 og 3 á dagskránni

Fundur lokin kl. 12.20

Birita S. Samuelsen
skrivari