Gerðabók fyri formansskap Løgtingsins tingsetan 2005

10. fundur

Ár 2006, hósdagin hin 20. apríl, kl. 9.00, var fundur í formansskapi Løgtingsins.

Á fundi vóru:

Edmund Joensen, formaður

Hergeir Nielsen, 1. næstformaður

Vilhelm Johannesen, 2. næstformaður

Óli Breckmann, 3. næstformaður

Til viðgerðar:

1.      J.nr. 112-20060001: Gerðabókin
Gerðabókin frá fundi 29. mars 2006 varð góðkend.

2.      J.nr. 28-20060001: Góðkenning av grannskoðaðum roknskapi
Roknskapurin varð góðkendur og undirskrivaður.
 
Marjus Dam og Kaj Leo Johannesen skuldu koma á fund í samband við starvsstøðuna hjá Marjusi Dam, men lá tað ikki fyri hjá teimum. Bræv er komið frá Almanna- og heilsumálaráðnum, har staðfest verður, at Marjus Dam er farin í farloyvi úr hálvum starvi sum kommunulækni so leingi, hann er løgtingslimur.

3.      Ymist
a) Skriv frá Kára P. Højgaard til formansskapin við áheitan um, at tað verður viðmerkt í gerðabók tingsins, tá ið løgtingsmenn ikki fáa møtt á løgtingsfundi vegna tænastuferðir uttanlands í løgtingsørindum. Avgjørt varð at viðmerkja í gerðabókina, tá ið tingmenn eru burtur í løgtingsørindum, og ferðin er goldin av tinginum.
b) Innanhýsis mál
c) Málið um kvinnuting varð umrøtt.
 

Fundur lokin kl. 9.45

Edmund Joensen

   formaður                                                                

/Súsanna Danielsen

                                                                                          skrivari