Gerðabók Mentanarnevnd Løgtingsins fyri tingsetuna 2004

11. fundur

Ár 2005, mánadagin hin 9. mai, kl. 8.00, var fundur í mentanarnevnd Løgtingsins.

Á fundi vóru:

Andrias Petersen, formaður

Jákup Mikkelsen , næstformaður

Marjus Dam

John Johannessen

Asbjørn Djurhuus

Heidi Petersen og

Tórbjørn Jacobsen

Skrivari:

Birita S. Samuelsen

Til viðgerðar:

1. Gerðabókin

Gerðabókin frá 10. fundi frá 4. mai 2005 varð býtt út, lisin upp og góðkend.

2. Løgtingsmál nr. 94/2004: Uppskot til løgtingslóg um at byggja skúladepil í Suðuroynni

Klokkan 8.35 komu Levi Niclasen, bygdaráðsformaður í Hvalba, Eli Frederiksen, bygdaráðsformaður í Porkeri, Niclas Hentze, bygdaráðsformaður í Sumba, Elin Nielsen, bygdaráðsformaður í Fámjin, Delmar Tausen, bygdaráðsformaður í Hovi, Kirstin Strøm Bech, borgarstjóri í Vági og Kristin Michelsen, borgarstjóri á Tvøroyri, á fund við nevndina.

Frá Tvøroyrar býráð fekk nevndin skrivligar viðmerkingar til gongdina í málinum.

Borgarstjórarnir og bygdaráðsformenninir fóru av fundi aftur klokkan 9.30.

Klokkan 9.35 komu Susanne Høgh Olesen, leiðari á Heilsuskúlanum, og Ole Laursen, leiðari á miðnámsskúlanum, á fund við nevndina. Tey fóru av fundi aftur 10.00.

Klokkan 10.05 kom Dennis Holm frá Granskingadeplinum í Vági á fund við nevndina. Hann fór av fundi aftur klokkan 10.30.

Klokkan 10.30 kom Árni Winther, arkitektur, á fund við nevndina. Hann fór av fundi aftur klokkan 11.00.

Málið varð umrøtt. Meirilutin læt nevndarskrivaranum sínar viðmerkingar til álitið. Minnilutin letur nevndarskrivaranum sínar viðmerkingar til álitið týsdagin 10. mai soleiðis, at endaligt orðað álit kann undirskrivast á tingfundinum seinnapartin týsdagin.

Næsti fundur:

 Eingin komandi fundur ásettur.

Fundur lokin kl. 11.35

Birita S. Samuelsen
skrivari