Gerðabók Mentanarnevnd Løgtingsins fyri tingsetuna 2004
10. fundur
Ár 2005, mikudagin hin 4. mai, kl. 10.00, var fundur í mentanarnevnd Løgtingsins.
Á fundi vóru:
Jákup Mikkelsen , næstformaður
John Johannessen
Marjus Dam
Skrivari:
Birita S. Samuelsen
Til viðgerðar:
1. Gerðabókin
Gerðabókin frá 9. fundi 19. apríl 2005 varð býtt út, lisin upp og góðkend.
2. Løgtingsmál nr. 94/2004: Uppskot til løgtingslóg um at byggja skúladepil í Suðuroynni
Gjørt varð av, at bygdaráðsformenninir/borgarstjórarnir í øllum kommununum í Suðuroynni, leiðarin fyri miðnámsskúlan í Suðuroynni og leiðarin fyri Heilsuskúlan á Tvøroyri, eitt umboð fyri gransingarverkætlanina fyri Økismenning og umboð fyri arkitektavirkið v/ Árna Winther skulu innkallast í málinum.
Klokkan 10.20 kom Jógvan á Lakjuni, landsstýrismaður í mentamálum, á fund við nevndina saman við Eyðbjørn Poulsen, deildarstjóra. Teir fóru av fundi aftur klokkan 11.25.
Málið varð umrøtt.
3. Nevndarvitjan, mentanarnevndin í Álandi
Umrøtt varð, hvar mentanarnevndin í Álandi skal vitja á ferðini í Føroyum, og avgjørt varð, at skrivarin ger uppskot til skrá fyri vitjanina saman við formanninum og næstformanninum.
Næsti fundur:
Formaðurin setti næsta fund at verða mánadagin hin 9. mai, kl. 8.00, við hesi skrá:
Hesi koma á fund við nevndina í smb. við pkt. 2 á dagsskránni:
Kl. 8.15 Bygdaráðsformenn/borgarstjórar í kommununum í Suðuroynni
Kl. 9.00 Leiðarin fyri miðnámsskúlan og leiðarin fyri heilsuskúlan í Suðuroynni
Kl. 9.15 Umboð fyri granskingarverkætlanina fyri Økismenning
Kl. 9.30 Umboð fyri Arkitektavirkið v/ Árna Winther
Fundur lokin kl. 11.45
Birita S. Samuelsen
skrivari