Gerðabók
Rættarnevnd Løgtingsins fyri tingsetuna 2001 |
9. fundur |
Hósdagur 7. mars 2002 |
kl. 10.30 |
Á fundi vóru:
Helena Dam á Neystabø, formaður
Signar á Brúnni, næstformaður
Annita á Fríðriksmørk (f. Hergeir Nielsen)
Eyðun Viderø
Rúna Sivertsen
Hans Pauli Strøm
Alfred Olsen
Skrivari:
Sjúrður Rasmussen
Til viðgerðar:
- Góðkenning av gerðabók
Gerðabókin frá 8. fundi 28.02.2002 varð góðkend.
- Løgtingsmál nr. 13/2001: Uppskot til løgtingslóg um fólkanøvn
Klokkan 10.45 komu Høgni Hoydal, landsstýrismaður, Eyðbjørn Larsen, fultrúi, og
navnanevndarlimirnir Anfinnur Johansen og Anna Brimnes á fund. Drúgv umrøða var av
uppskotinum, serliga teim broytingaruppskotum, sum rættarnevndin hevði umhugsað. Tey
fóru av fundi kl. 12.20.
Avgjørt varð at skriva álit í málinum á komandi fundi. Nevndarlimirnir verða bidnir
um at handa skrivaranum sítt íkast til álit áðrenn fundin.
- Løgtingsmál nr. 63/2001: Uppskot til løgtingslóg um broyting í løgtingslóg um
val til Føroya Løgting
Nevndarformaðurin segði, at til viðgerðina var umráðandi at fáa svar frá
landsstýrinum um, hvørt tað verður hildið skilagott at gera broyting í
løgtingsvallógaruppskotinum soleiðis, at ikki er neyðugt at hava opið allan dagin á
minni plássum, og at smápláss varðveita valstaðin, men at almannakunngerðingin fer
fram saman við einum størri plássi soleiðis, at anonymiteturin verður varðveittur.
Nevndarskrivarin skuldi minna skrivliga á málið og royna at fáa svar fyri komandi
nevndarfund.
Tikið av skrá: Løgtingsmál nr. 32/2001: Uppskot til ríkislógartilmæli um at
seta í gildi fyri Føroyar "lov om behandling af personoplysninger".
Næsti fundur:
Formaðurin setti næsta fund at verða fríggjadagin hin 8. mars 2002, kl. 9.00, við
hesi skrá:
- Góðkenning av gerðabók frá 9. fundi 07.03.2002.
- Viðgerð av uppskoti til álit í løgtingsmáli nr. 13/2001: Uppskot til løgtingslóg
um fólkanøvn.
- Viðgerð av uppskoti til álit í løgtingsmáli nr. 63/2001: Uppskot til løgtingslóg
um broyting í løgtingslóg um val til Føroya Løgting.
- Løgtingsmál nr. 32/2002: Uppskot til ríkislógartilmæli um at seta í gildi fyri
Føroyar "lov om behandling af personoplysninger"
- Løgtingsmál nr. 71/2001: Uppskot til ríkislógartilmæli um at seta í gildi fyri
Føroyar lóg um endurgjaldsábyrgd
Fundur lokin kl. 12.40.
Sjúrður Rasmussen
skrivari