Ár 2000, fríggjadagin 28. apríl, kl. 9.45, varð tingfundur settur.

Løgtingsmenninir Jóannes Eidesgaard og Jákup Sverri Kass, Karsten Hansen, landsstýrismaður, og Ríkisumboðsmaðurin vóru ikki á fundi.

1. Finnbogi Arge, landsstýrismaður, legði fram tingmál nr. 101-8/1999: Frágreiðing sambært grein 51, stk. 4, í tingskipanini frá landsstýrismanninum í vinnumálum um framtíðar landbúnað.
   
2. 2. viðgerð av tingmáli nr. 20/1999: Uppskot til ríkislógartilmæli um at seta í gildi fyri Føroyar "lov om patienters retsstilling".
   Broytingaruppskot frá trivnaðarnevndini samtykt 27-0-0. Ríkislógartilmæli soleiðis broytt samtykt 25-1-1. Uppskotið fer soleiðis samtykt til 3. viðgerð.
   
3. 2. viðgerð av tingmáli nr. 80/1999: Uppskot til løgtingslóg um arbeiðsumhvørvi.
   Uppskot frá Rúnu Sivertsen um at beina málið aftur í nevnd fall 9-1-16. Broytingaruppskot frá minnilutanum í trivnaðarnevndini til § 48 fall 12-0-15. Broytingaruppskot frá meirilutanum í trivnaðarnevndini til § 63 samtykt 14-4-9. Uppskotið soleiðis broytt samtykt 24-0-3. Uppskotið fer soleiðis samtykt til 3. viðgerð.
   
4. 2. viðgerð av tingmáli nr. 79/1999: Uppskot til samtyktar um góðkenning av avtalu um fyrisiting av várgýtandi norðhavssild.
   Uppskot til samtyktar samtykt 26-0-0.
   Málið avgreitt.
   

Fundur niðurlagdur kl. 11.50.
Fundur uppafturtikin kl. 14.00.


5. 2. viðgerð av tingmáli nr. 98/1999: Uppskot til samtyktar um ískoytissáttmála til kvinnusáttmála Sameindu Tjóða.
   Uppskot til samtyktar samtykt 19-1-0.
   Málið avgreitt.
   
6. 2. viðgerð av tingmáli nr. 88/1999: Uppskot til samtyktar um góðkenning av sáttmála um at seta í verk ásetingarnar í havrættarsáttmála Sameindu Tjóða frá 10. desember 1982 um varðveiting og umsiting av millumøkja fiskastovnum og víðferandi fiskastovnum.
   Uppskot til samtyktar samtykt 24-1-1.
   Málið avgreitt.
   
7. 2. viðgerð av tingmáli nr. 94/1999: Uppskot til løgtingslóg um fráboðan í sambandi við hópuppsagnir.
   §§ 1 – 11 fullu 12-0-17. Uppskotið sostatt fallið.
   Málið avgreitt.
   
8. 2. viðgerð av tingmál nr. 96/1999: Uppskot til samtyktar um at leggja fyri Løgtingið lógaruppskot um bygnaðarbroytingar og privatiseringar/útlisiteringar á Landsverkfrøðingsstovninum og Strandfaraskipum Landsins.
   Uppskot til samtyktar fall 5-2-18. Uppskotið sostatt fallið.
   Málið avgreitt.
   
9. 2. viðgerð av tingmáli nr. 27/1999: Uppskot til løgtingslóg um Løgtingsins umboðsmann.
   Broytingaruppskot frá minnilutanum í nevndini fall 10-2-15. Broytingaruppskot frá samdari nevnd til §§ 1, 3, 4, 5, 6, 7, 9, 10, 11, 12, 13, 14, 15, 16 og 17 samtykt 27-0-0. Uppskotið soleiðis broytt samtykt 27-0-0.
   Uppskotið fer soleiðis samtykt til 3. viðgerð.
   
10. 2. viðgerð av tingmáli nr. 29/1999: Uppskot til løgtingslóg um dagstovnar og dagrøkt.
    Broytingaruppskot frá trivnaðarnevndini til §§ 1, 2, 3, 4, 5, 7, 8, 11 og 12 samtyktar 26-0-0. Uppskotið soleiðis broytt samtykt 26-0-0.
    Uppskotið fer soleiðis samtykt til 3. viðgerð.
    
11. Helena Dam á Neystabø, landsstýrismaður, svaraði fyrispurningi nr. 100-31/1999 frá Lisbeth L. Petersen, løgtingsmanni, viðvíkjandi harðskap móti kvinnum.
    
12. Framløga.
    
    Formaðurin boðaði frá, at rættarnevndin hevur lagt fram álit í tingmálunum nr. 62/1999: Uppskot til løgtingslóg um broyting í løgtingslóg um ferðslu og nr. 89/1999: Uppskot til ríkislógartilmæli um at seta í gildi fyri Føroyar " Anordning om ikrafttræden for Færøerne af udlændingeloven", at mentanarnevndin hevur lagt fram álit í tingmáli nr. 72/1999: Uppskot til løgtingslóg um broyting í løgtingslóg um Føroya Yrkisskúla fyri fiskiídnað og havbúnað, og at vinnunevndin hevur lagt fram álit í tingmáli nr. 83/1999: Uppskot til ríkislógartilmæli um "lov om registrering af rettigheder over luftfartøjer".

Formaðurin setti næsta fund at verða týsdagin 2. mai 2000, kl. 13.30, við hesi dagsskrá:

1. 3. viðgerð av tingmáli nr. 20/1999: Uppskot til ríkislógartilmæli um at seta í gildi fyri Føroyar "lov om patienters retsstilling"
2. 3. viðgerð av tingmáli nr. 80/1999: Uppskot til løgtingslóg um arbeiðsumhvørvi
3. 3. viðgerð av tingmáli nr. 27/1999: Uppskot til løgtingslóg um Løgtingsins umboðsmann
4. 3. viðgerð av tingmáli nr. 29/1999: Uppskot til løgtingslóg um dagstovnar og dagrøkt
5. 2. viðgerð av tingmáli nr. 62/1999: Uppskot til løgtingslóg um broyting í løgtingslóg um ferðslu
6. 2. viðgerð av tingmáli nr. 89/1999: Uppskot til ríkislógartilmæli um at seta í gildi fyri Føroyar " Anordning om ikrafttræden for Færøerne af udlændingeloven".
7. 2. viðgerð av tingmáli nr. 72/1999: Uppskot til løgtingslóg um broyting í løgtingslóg um Føroya Yrkisskúla fyri fiskiídnað og havbúnað
8. 2. viðgerð av tingmáli nr. 83/1999: Uppskot til ríkislógartilmæli um "lov om registrering af rettigheder over luftfartøjer"
9. Svar upp á fyrispurning nr. 100-32/1999 til Eyðun Elttør, landsstýrismann í oljumálum, frá Hans Paula Strøm, løgtingsmanni, viðvíkjandi játtan og nýtslu § 9 fyri ár 2000
10. Svar uppá fyrispurning nr. 100-33/1999 til Finnboga Arge, landsstýrismann í vinnumálum, frá Dan R. Petersen, løgtingsmanni, viðvíkjandi játtan og nýtslu § 6 fyri ár 2000
11. Framløga

 Fundur lokin kl. 17.10.

Finnbogi Ísakson
løgtingsformaður

/Marius Rein
skrivari