Gerðabók
Føroya Løgtings fyri tingsetuna 1999 |
82. fundur |
Fríggjadagur 14. apríl 2000 |
kl. 10.00 |
Ár 2000, fríggjadagin 14. apríl, kl. 10.00, varð tingfundur settur.
Løgtingsmenninir Jógvan við Keldu, Marjus Dam og Finnbogi Ísakson, Jørgen
Niclasen, landsstýrismaður, og Ríkisumboðsmaðurin vóru ikki á fundi.
Til viðgerðar:
- Atkvøðugreiðsla um fyrispurning nr. 100-47/1999
til Finnboga Arge, landsstýrismann í vinnumálum, frá Heðin Mortensen, løgtingsmanni,
viðvíkjandi flogvølli á Glyvursnesi.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-48/1999
til Høgna Hoydal, landsstýrismann, frá Lisbeth L. Petersen, løgtingsmanni,
viðvíkjandi landsstýriskunngerðum í sambandi við nýggju kirkjulógirnar.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-49/1999
til Høgna Hoydal, landsstýrismann, frá Heðin Mortensen, løgtingsmanni,
viðvíkjandi føroyingum, sum lesa í Danmark.
Samtykt uttan atkvøðugreiðslu, at fyrispurningurin skal svarast.
- Aðalorðaskifti um tingmál nr. 101-7/1999:
Frágreiðing sambært grein 51, stk. 4, í tingskipanini frá Karsteni Hansen,
landsstýrismanni, um fíggjarpolitikk í 2001 og framyvir.
Fundur
nirðurlagdur kl. 12.05.
Fundur
uppafturtikin kl. 13.30
Málið avgreitt.
Tikið av dagsskrá:
Svar uppá fyrispurning nr. 100-29/1999
til Signar á Brúnni (Høgna Hoydal), landsstýrismann, frá Katrin Dahl Jakobsen,
løgtingsmanni, viðvíkjandi nýggju fólkaskúlalógini.
Formaðurin fráboðaði fyrispurning nr. 100-50/1999
til Høgna Hoydal, landsstýrismann, frá Heðin Mortensen, løgtingsmanni, viðvíkjandi
føroyskum skiparum á donskum skipum, fyrispurning nr. 100-51/1999
til Helenu Dam á Neystabø, landsstýrismann, frá Katrin Dahl Jakobsen, løgtingsmanni,
viðvíkjandi fyribyrging av bróstkrabba og fyrispurning nr. 100-52/1999
til Anfinn Kallsberg, løgmann, frá Edmund Joensen, løgtingsmanni, viðvíkjandi kunning
um eitt møguligt fullveldi.
Formaðurin setti næsta fund at verða mikudagin 26. apríl 2000, kl. 13.30, við hesi
dagsskrá:
- Finnbogi Arge, landsstýrismaður, leggur fram tingmál nr. 101-8/1999: Frágreiðing
sambært grein 51, stk. 4, í tingskipanini frá landsstýrismanninum í vinnumálum um
framtíðar landbúnað
- Atkvøðugreiðsla um fyrispurning nr. 100-50/1999
til Høgna Hoydal, landsstýrismann, frá Heðin Mortensen, løgtingsmanni, viðvíkjandi
føroyskum skiparum á donskum skipum
- Atkvøðugreiðsla um fyrispurning nr. 100-51/1999
til Helenu Dam á Neystabø, landsstýrismann, frá Katrin Dahl Jakobsen, løgtingsmanni,
viðvíkjandi fyribyrging av bróstkrabba
- Atkvøðugreiðsla um fyrispurning nr. 100-52/1999
til Anfinn Kallsberg, løgmann, frá Edmund Joensen, løgtingsmanni, viðvíkjandi kunning
um eitt møguligt fullveldi
- 3. viðgerð av tingmáli nr. 12/1999:
Uppskot til løgtingslóg um fyribyrgingarráð
- 3. viðgerð av tingmáli nr. 19/1999:
Uppskot til løgtingslóg um broyting í løgtingslóg um tiltøk at minka um
tubbaksnýtsluna
- 3. viðgerð av tingmáli nr. 58/1999:
Uppskot til løgtingslóg um broyting í løgtingslóg um viðbót til ávísar
pensjónistar v.fl.
- 3. viðgerð av tingmáli nr. 59/1999:
Uppskot til løgtingslóg um broyting í løgtingslóg um áseting og javning av
almannaveitingum
- 3. viðgerð av tingmáli nr. 63/1999:
Uppskot til løgtingslóg um broyting í løgtingslóg um tinglýsing (EDV í
tinglýsingini)
- 3. viðgerð av tingmáli nr. 65/1999:
Uppskot til løgtingslóg um Menningarstovu
- 3. viðgerð av tingmáli nr. 68/1999:
Uppskot til løgtingslóg um broyting í løgtingslóg um innflutning og sølu av
rúsdrekka
- 3. viðgerð av tingmáli nr. 74/1999:
Uppskot til løgtingslóg um broyting í løgtingslóg um vinnuligan fiskiskap
- 3. viðgerð av tingmáli nr. 76/1999:
Uppskot til løgtingslóg um fiskivinnuráð
- 3. viðgerð av tingmáli nr. 86/1999:
Uppskot til løgtingslóg um broyting í løgtingslóg um yrkisútbúgvingar
- 3. viðgerð av tingmáli nr. 87/1999:
Uppskot til løgtingslóg um broyting í løgtingslóg um Føroya Náttúrugripasavn
- 3. viðgerð av tingmáli nr. 91/1999:
Uppskot til ríkislógartilmæli um at seta í gildi fyri Føroyar "lov om en
garantifond for indskydere og investorer"
- 3. viðgerð av tingmáli nr. 92/1999:
Uppskot til ríkislógartilmæli um at seta í gildi fyri Føroyar lóg um íløgufeløg
og serfeløg
- 3. viðgerð av tingmáli nr. 93/1999:
Uppskot til ríkislógartilmæli um at seta í gildi fyri Føroyar "lov om
fondsmæglerselskaber"
- Svar upp á fyrispurning nr. 100-29/1999
til Signar á Brúnni (Høgna Hoydal), landsstýrismann, frá Katrin Dahl Jakobsen,
løgtingsmanni, viðvíkjandi nýggju fólkaskúlalógini.
- 1. viðgerð av tingmáli nr. 103/1999:
Uppskot til løgtingslóg um broyting í løgtingslóg um mánaðarligan minstaforvinning
til útróðrarmenn
- 1. viðgerð av tingmáli nr. 104/1999:
Uppskot til samtyktar um góðkenning av tilmæli frá 16. mars 2000 frá
heilsufrøðiliga undirbólkinum Føroyar-EF
- 1. viðgerð av tingmáli nr. 1-9/1999:
Uppskot til eykajáttanarløgtingslóg fyri apríl 2000
- Framløga
Fundur lokin kl. 18.00
Eyðun Viderø
løgtingsformaður
/Marius Rein
skrivari