Ár 2000, fríggjadagin 24. mars, kl. 9.00, varð tingfundur settur.

Løgtingsmenninir Marjus Dam og Hergeir Nielsen, landsstýrismenninir Finnbogi Arge og Eyðun Elttør og Ríkisumboðsmaðurin vóru ikki á fundi.

1. 2. viðgerð av tingmáli nr. 56/1999: Uppskot til løgtingslóg um broyting í løgtingslóg um áseting av skatti (Ásetingarlógin).
   §§ 1 og 2 samtyktar 24-0-0. Uppskotið fer soleiðis samtykt til 3. viðgerð.
   
2. 2. viðgerð av tingmáli nr. 57/1999: Uppskot til løgtingslóg um broyting í løgtingslóg um landsskatt og kommunuskatt.
   Broytingaruppskot frá fíggjarnevndini til § 1 samtykt 26-0-0.Uppskotið soleiðis broytt samtykt 26-0-0. Uppskotið fer soleiðis samtykt til 3. viðgerð.
   
3. 2. viðgerð av tingmáli nr. 52/1999: Uppskot til samtyktar um at leggja fyri Løgtingið lógaruppskot um privatisering av almennum partafeløgum.
   Uppskot til samtyktar fall 5-0-22. Málið sostatt fallið.
   Málið avgreitt.
   
4. 2. viðgerð av tingmáli nr. 77/1999: Uppskot til løgtingslóg um broyting í løgtingslóg um vektgjald av motorakførum v.m. (vegskattalógin).
   §§ 1 og 2 samtyktar 26-0-0. Uppskotið fer soleiðis samtykt til 3. viðgerð.
   
5. 2. viðgerð av tingmáli nr. 85/1999: Uppskot til løgtingslóg um broyting í løgtingslóg um áseting av skatti.
   §§ 1 og 2 samtyktar 27-0-0. Uppskotið fer soleiðis samtykt til 3. viðgerð.
   
6. 1. viðgerð av tingmáli nr. 99/1999: Uppskot til ríkislógartilmæli um broyting í ríkislógartilmæli um fjølmiðlaábyrgdarlóg.
   Málið beint í rættarnevndina.
   
7. 1. viðgerð av tingmáli nr. 76/1999: Uppskot til løgtingslóg um fiskivinnuráð.
   Málið beint í vinnunevndina.
   
8. 1. viðgerð av tingmáli nr. 90/1999: Uppskot til løgtingslóg um broyting í løgtingslóg um samsýning og eftirløn landsstýrismanna v.m.
   Málið beint í serliga nevnd.
   
9. Framløga

Formaðurin boðaði frá, at fíggjarnevndin hevur lagt fram álit í tingmálunum nr. 71/1999: Uppskot til løgtingslóg um broyting í løgtingslóg um áseting av skatti og nr. 73/1999: Uppskot til løgtingslóg um broyting í løgtingslóg um serligt avgjald á brenniolju, og at vinnunevndin hevur lagt fram álit í tingmáli nr. 75/1999: Uppskot til løgtingslóg um broyting í løgtingslóg um stuðul til flutning av fiski.

Formaðurin boðaði frá, at Javnaðarflokkurin í skrivi, dagfest 24. mars 2000, hevur tikið løgtingsmál nr. 95/1999: Uppskot til løgtingslóg um broyting í løgtingslóg um stuðul til flutning av fiski aftur.

Formaðurin setti næsta fund at verða fríggjadagin 24. mars 2000, kl. 12.50, við hesi dagsskrá:

1. 3. viðgerð av tingmáli nr. 56/1999: Uppskot til løgtingslóg um broyting í løgtingslóg um áseting av skatti (Ásetingarlógin)
2. 3. viðgerð av tingmáli nr. 57/1999: Uppskot til løgtingslóg um broyting í løgtingslóg um landsskatt og kommunuskatt
3. Framløga.

Fundur lokin kl. 12.45.  

Finnbogi Ísakson
Løgtingsformaður

/Marius Rein
skrivari