Ár 2000, hósdagin 16. mars, kl. 9.00, varð tingfundur settur.

Løgmaður, landsstýrismenninir Høgni Hoydal, Karsten Hansen, Jørgen Niclasen, Signar á Brúnni og Helena Dam á Neystabø og Ríkisumboðsmaðurin vóru ikki á fundi.

Farloyvi:

Skriv frá Bjarna Djurholm, dagfest 9. mars 2000, við umsókn um farloyvi frá 16. til 26. mars 2000, og at næsti maður á lista Fólkafloksins í Suðurstreymoyar valdømi tekur sæti á tingi. Í skrivi, dagfest 16. mars 2000, boðar Katrin D. Johansen, ið er næstur á lista Fólkafloksins í Suðurstreymoyar valdømi, frá, at hon er burturstødd og tí ikki kann møta á tingi. Formaðurin heitti á tingmenninar Vilhelm Johannesen, Alfred Olsen og Jógvan Durhuus um at kanna valbrøvini fyri Fólkaflokkin í Suðurstreymoyar valdømi. Vilhelm Johannesen mælti til, vegna seg sjálvan, Alfred Olsen og Jógvan Durhuus, at Leila á Lofti tekur sæti á tingi fyri Bjarna Djurholm.

Samtykt uttan atkvøðugreiðslu.

1. Atkvøðugreiðsla um fyrispurning nr. 100-28/1999 til Jørgen Niclasen, landsstýrismann, frá Tórbjørn Jacobsen, løgtingsmanni, viðvíkjandi lánum, effektivum veðhaldum o. t.
   Samtykt uttan atkvøðugreiðslu, at fyrispurningurin skal svarast.
   

2. 2. viðgerð av tingmáli nr. 1-7/1999: Uppskot til eykajáttanarløgtingslóg fyri februar 2000.
   Broytingaruppskot frá Vilhelm Johannesen fall 8-0-17. Uppskotið fall 10-0-16. Málið sostatt fallið.
   Málið avgreitt.
   

1. 2. viðgerð av tingmáli nr. 54/1999: Uppskot til løgtingslóg um broyting í løgtingslóg um serligt avgjald á brenniolju.
   §§ 1 og 2 fullu 6-6-16. Málið sostatt fallið.
   Málið avgreitt.
   
2. 2. viðgerð av tingmáli nr. 38/1999: Uppskot til løgtingslóg um skyldu arbeiðsgevaranna at boða løntakarunum frá um setanartreytir teirra.
   Broytingaruppskot frá minnilutanum í vinnunevndini til §§ 1, 2, 3 og 5 fall 12-0-16. §§ 1 - 7 fullu 11-0-17. Uppskotið sostatt fallið.
   Málið avgreitt.
   
3. 2. viðgerð av tingmáli nr. 61/1999: Uppskot til løgtingslóg um endurgjald til kommunur í samband við, at sjóvegis farleiðir hjá Strandfaraskipum Landsins verða lagdar niður.
   §§ 1 – 4 samtyktar 28-0-0. Uppskotið fer soleiðis samtykt til 3. viðgerð.
   
4. 1. viðgerð av tingmáli nr. 62/1999: Uppskot til løgtingslóg um broyting í løgtingslóg um ferðslu.
   

Fundur niðurlagdur kl. 12.05.
Fundur uppafturtikin kl. 13.30.

Málið beint í rættarnevndina.


5. 1. viðgerð av tingmáli nr. 83/1999: Uppskot til ríkislógartilmæli um "lov om registrering af rettigheder over luftfartøjer".
   Málið beint í vinnunevndina
   
6. 1. viðgerð av tingmáli nr. 94/1999: Uppskot til løgtingslóg um fráboðan í sambandi við hópuppsagnir.
   Málið beint í vinnunevndina.
   
7. 1. viðgerð av tingmáli nr. 96/1999: Uppskot til samtyktar um at leggja fyri Løgtingið lógaruppskot um bygnaðarbroytingar og privatiseringar/útlisiteringar á Landsverkfrøðingsstovninum og Strandfaraskipum Landsins.
   Málið beint í vinnunevndina.
   

Formaðurin setti næsta fund at verða fríggjadagin 16. mars 2000, kl. 10.00, við hesi dagsskrá:

1. 2. viðgerð av tingmáli nr. 42/1999: Uppskot til løgtingslóg um broyting í løgtingslóg um landsskatt og kommunuskatt.
2. 1. viðgerð av tingmáli nr. 80/1999: Uppskot til løgtingslóg um arbeiðsumhvørvi.
3. 1. viðgerð av tingmáli nr. 99/1999: Uppskot til ríkislógartilmæli um broyting í ríkislógartilmæli um fjølmiðlaábyrgdarlóg.
4. Framløga.

 Fundur lokin kl. 18.20. 

Finnbogi Ísakson
Løgtingsformaður

/Marius Rein
skrivari