Ár 2000, mikudagin 16. februar, kl. 13.30, varð tingfundur settur.

Heini O. Heinesen, løgtingsmaður og Ríkisumboðsmaðurin vóru ikki á fundi.

Til viðgerðar:

1. Munnligir fyrispurningar.
   
2. Atkvøðugreiðsla um fyrispurning nr. 100-23/1999 til Jørgen Niclasen, landsstýrismann í fiskivinnumálum, frá Dan R. Petersen, løgtingsmanni viðvíkjandi tunfiskaloyvum.
   Samtykt uttan atkvøðugreiðslu, at fyrispurningurin skal svarast.
   
3. Finnbogi Arge, landsstýrismaður, legði fram tingmál nr. 101-6/1999: Frágreiðing frá landsstýrismanninum í vinnumálum um gagnligastu fíggjar- og lógarkarmar til at fremja búskaparvøkstur og økja íløgurnar í Føroyum.
   
4. 1. viðgerð av tingmáli nr. 52/1999: Uppskot til samtyktar um at leggja fyri Løgtingið lógaruppskot um privatisering av almennum partafeløgum.
   Málið beint í vinnunevndina.

Tikið av dagsskrá:
Svar uppá fyrispurning nr. 100-18/1999 til Signar á Brúnni, landsstýrismann, frá Rúnu Sivertsen, løgtingsmanni, um Skúlan á Trøðni og Sernámsdepilin.

Formaðurin setti næsta fund at verða hósdagin 17. februar 2000, kl. 13.30, við hesi dagsskrá:

1. 1. viðgerð av tingmáli nr. 1-7/1999: Uppskot til eykajáttanarløgtingslóg fyri februar 2000.
2. 1. viðgerð av tingmáli nr. 53-2/1999: Grannskoðan av almennum roknskapum: Menningargrunnur Ídnaðarins fíggjarárið 1998.
3. 1. viðgerð av tingmáli nr. 53-3/1999: Grannskoðan av almennum roknskapum: Føroya Ídnaðargrunnur fíggjarárið 1998.
4. 1. viðgerð av tingmáli nr. 53-4/1999: Grannskoðan av almennum roknskapum: Íleggingargrunnurin fyri Føroyar fíggjarárið 1998.
5. Svar uppá fyrispurning nr. 100-18/1999 til Signar á Brúnni, landsstýrismann, frá Rúnu Sivertsen, løgtingsmanni, um Skúlan á Trøðni og Sernámsdepilin.
6. Svar uppá fyrispurning nr. 100-19/1999 til Finnboga Arge, landsstýrismann, frá Lisbeth L. Petersen, løgtingsmanni, viðvíkjandi barnsburðargrunni.
7. Framløga.

Fundur lokin kl. 17.35. 

Finnbogi Ísakson
løgtingsformaður

/Marius Rein
skrivari