Gerðabók
Føroya Løgtings fyri tingsetuna 1999 |
48. fundur |
Týsdagur 8. februar 2000 |
kl. 13.30 |
Ár 2000, týsdagin 8. februar, kl. 13.30, varð tingfundur settur.
Løgtingsmenninir Marjus Dam og Finnur Helmsdal og landsstýrismenninir Signar á
Brúnni og Finnbogi Arge vóru ikki á fundi.
Farloyvi:
Skriv frá Jógvan við Keldu, dagfest 8. februar 2000, við umsókn um farloyvi, og
at næsti maður á lista Fólkafloksins í Norðoya valdømi tekur sæti á tingi.
Samtykt uttan atkvøðugreiðslu, at Jógvan Lützen, ið áður hevur verið á tingi,
skal taka sæti fyri Jógvan við Keldu.
Skriv frá Jákup Suna Joensen, dagfest 5. februar 2000, við umsókn um farloyvi frá
8. februar 2000, og at næsti maður á lista Fólkafloksins í Norðstreymoyar valdømi
tekur sæti á tingi. Formaðurin heitti á løgtingsmenninar Bjarna Djurholm, Páll á
Reynatúgvu og Hergeir Nielsen um at kanna valbrøvini fyri Fólkaflokkin í
Norðstreymoyar valdømi. Bjarni Djurholm mælti til, vegna seg sjálvan, Páll á
Reynatúgvu og Hergeir Nielsen, at Ingi Olsen tekur sæti á tingi fyri Jákup Suna
Joensen. Samtykt uttan atkvøðugreiðslu.
Til viðgerðar:
- 2. viðgerð av tingmáli nr. 28/1999:
Uppskot til løgtingslóg um álíkning, innkrevjing, eftirlit o.a. í sambandi við
skatting av inntøku av kolvetnisvirksemi. (Kolvetnisskattafyrisitingarlógin).
Broytingaruppskot frá fíggjarnevndini til §§ 4 og 13 samtykt 28-0-0.
Uppskotið soleiðis broytt samtykt 28-0-0. Uppskotið fer
soleiðis samtykt til 3. viðgerð.
- 2. viðgerð av tingmáli nr. 41/1999:
Uppskot til løgtingslóg um broyting í løgtingslóg um skattligar avskrivingar v.m.
§§ 1 og 2 samtyktar 28-0-0.
Uppskotið fer soleiðis samtykt til 3. viðgerð.
- 2. viðgerð av tingmáli nr. 43/1999:
Uppskot til løgtingslóg um broyting í løgtingslóg um skrásetingargjald á
motorakførum v.m.
§§ 1 og 2 samtyktar 28-0-0.
Uppskotið fer soleiðis samtykt til 3. viðgerð.
- 2. viðgerð av tingmáli nr. 44/1999:
Uppskot til løgtingslóg um broyting í løgtingslóg um áseting av skatti.
§§ 1 og 2 samtyktar 29-0-0. Uppskotið fer soleiðis samtykt til 3. viðgerð.
- Anfinn Kallsberg, løgmaður, svaraði fyrispurningi nr.
100-16/1999 frá Jákup Sverra Kass, løgtingsmanni, viðvíkjandi núverandi
føroysku valskipanini.
Málið avgreitt.
- Framløga.
Formaðurin boðaði frá, at Helena Dam á Neystabø, landsstýrismaður, vegna
landsstýrið, hevur lagt fram tingmálini nr. 29/1999:
Uppskot til løgtingslóg um dagstovnar og dagrøkt, nr.
31/1999: Uppskot til løgtingslóg um broyting í lóg um almenna forsorg og nr. 32/1999:
Uppskot til løgtingslóg um broyting í lóg um barnaforsorg, at Edmund Joensen, vegna
Samdandsflokkin, hevur lagt fram tingmál nr. 52/1999:
Uppskot til samtyktar um at leggja fyri Løgtingið lógaruppskot um privatisering av
almennum partafeløgum, at fíggjarnevndin hevur lagt fram álit í tingmálunum nr. 45/1999: Uppskot
til løgtingslóg um broyting í løgtingslóg um toll og nr. 46/1999:
Uppskot til løgtingslóg um broyting í løgtingslóg um meirvirðisgjald, og at
trivnaðarnevndin hevur lagt fram álit í timgmáli nr. 20/1999:
Uppskot til ríkislógartilmæli um at seta í gildi fyri Føroyar "lov om patienters
retsstilling".
Tikið av dagsskrá:
1. viðgerð av tingmáli nr. 33/1999:
Uppskot til løgtingslóg um broyting í løgtingslóg um heimasjúkrasystratænastuna
og 1. viðgerð av tingmáli nr. 34/1999:
Uppskot til løgtingslóg um broyting í løgtingslóg um heilsusystratænastuna.
Formaðurin setti næsta fund at verða mikudagin 9. februar 2000, kl. 13.30, við hesi
skrá:
- 1. viðgerð av tingmáli nr. 49/1999:
Uppskot til løgtingslóg um broyting í løgtingslóg um at skatta inntøkur av
kolvetnisvirksemi (Kolvetnisskattalógin).
- 1. viðgerð av tingmáli nr.
50/1999: Uppskot til ríkislógartilmæli um at taka av ríkislógartilmæli um
fjølmiðlaábyrgdarlóg.
- 1. viðgerð av tingmáli nr. 51/1999:
Uppskot til samtyktar um at heita á landsstýrið um at leggja fyri Løgtingið
uppskot til løgtingslóg um fjølmiðlaábyrgd.
Málini nr. 50 og nr. 51 verða viðgjørd undir einum.
- Framløga.
Fundur lokin kl. 15.45
Finnbogi Ísakson
løgtingsformaður
/Marius Rein
skrivari