Ár 1999, hósdagin 30. september, kl. 13.30, varð tingfundur settur.

Løgtingsmenninir Jóanis Nielsen og Jóannes Eidesgaard, Helena Dam á Neystabø, landsstýrismaður, og ríkisumboðsmaðurin vóru ikki á fundi.

Formaðurin boðaði frá, at Dan R. Petersen hevur tikið sæti aftur á tingi í dag, og Tórbjørn Jacobsen tók sæti aftur 24. september 1999.

Til viðgerðar:

1. Atkvøðugreiðsla um fyrispurning nr. 100-8/1999 til Eyðun Elttør, landsstýrismann í umhvørvismálum, frá Andrias Petersen, løgtingsmanni, viðvíkjandi útbyggingarætlanini hjá SEV - Eiði 3 og 4.
   Samtykt uttan atkvøðugreiðslu, at fyrispurningurin skal svarast.
   
2. Finnbogi Arge, landsstýrismaður, svaraði fyrispurningi nr. 100-3/1999 frá Henrik Old, løgtingsmanni, um tunnil millum Hov og Øravík.
   Málið avgreitt.
   
3. Framløga.

Formaðurin boðaði frá, at Karsten Hansen, landsstýrismaður, hevur lagt fram tingmál nr. 1-1/1999: Uppskot til løgtingsfíggjarlóg fyri 2000.

Formaðurin fráboðaði fyrispurning nr. 100-9/1999 til Helenu Dam á Neystabø, landsstýrismann, frá Finni Helmsdal, løgtingsmanni, um viðurskiftini á psykiatrisku deild á Landssjúkrahúsinum.

Formaðurin setti næsta fund at verða fríggjadagin 8. oktober 1999, kl. 9.30, við hesi dagssskrá:

1. Høgni Hoydal, landsstýrismaður, leggur fram frágreiðing frá landsstýrinum um fullveldismálið og Hvítubók.
2. Atkvøðugreiðsla um fyrispurning nr. 100-9/1999 til Helenu Dam á Neystabø, landsstýrismann, frá Finni Helmsdal, løgtingsmanni, um viðurskiftini á psykiatrisku deild á Landssjúkrahúsinum.
3. Svar uppá fyrispurning nr. 100-6/1999 til Anfinn Kallsberg, løgmann, frá Sámal Petur í Grund, løgtingsmanni, viðvíkjandi kirkjulóggávuni.
4. Framløga.

Fundur lokin kl. 14.40

Finnbogi Ísakson
løgtingsformaður

/Marius Rein
skrivari