Ár 1999, hósdagin 9. september, kl. 13.30, varð tingfundur settur.

Løgtingsmenninir Eyðun Viderø, Jákup Suni Joensen, Flemming Mikkelsen, Hans Tausen Olsen og Hergeir Nielsen, Eyðun Elttør, landsstýrismaður, og ríkisumboðsmaðurin vóru ikki á fundi.

Til viðgerðar:

1. Atkvøðugreiðsla um fyrispurning nr. 100-6/1999 til Anfinn Kallsberg, løgmann, frá Sámal Petur í Grund, løgtingsmanni, viðvíkjandi kirkjulóggávuni.

Samtykt uttan atkvøðugreiðslu, at fyrispurningurin skal svarast.

2. 2. viðgerð av tingmáli nr. 3/1999: Uppskot til løgtingslóg um avtøku av løgtingslóg um avmarking av løn í samband við sjúku.
   §§ 1 og 2 samtyktar 25-0-0. Uppskotið fer soleiðis samtykt til 3. viðgerð.
   
3. 1. viðgerð av tingmáli nr. 4/1999: Uppskot til løgtingslóg um broyting í lóg fyri Føroyar um dagpening vegna sjúku og barnsburð.
   Málið beint í trivnaðarnevndina.

Formaðurin setti næsta fund at verða hósdagin 16. september 1999, kl. 13.30, við hesi dagsskrá:

1. 3. viðgerð av tingmáli nr. 3/1999: Uppskot til løgtingslóg um avtøku av løgtingslóg um avmarking av løn í samband við sjúku.
2. Svar uppá fyrispurning nr. 100-3/1999 til Finnboga Arge, landsstýrismann, frá Henrik Old, løgtingsmanni, um tunnil millum Hov og Øravík.
3. Svar uppá fyrispurning nr. 100-4/1999 til Finnboga Arge, landsstýrismann, frá Henrik Old, løgtingsmanni, um sigling hjá Strandferðsluni millum Havnina og Vág.
4. Svar uppá fyrispuring nr. 100-5/1999 til Finnboga Arge, landsstýrismann, frá Dan R. Petersen, løgtingsmanni, viðvíkjandi útbyggingarætlanini hjá SEV viðvíkjandi Eiði 3 og 4.
5. Framløga

Fundur lokin kl. 16.15

Finnbogi Ísakson
løgtingsformaður

/Marius Rein
skrivari