Ár 1999, týsdagin 10. august, kl. 10.00, varð fundur settur.

Løgtingsmenninir Eyðun Viderø, Rúna Sivertsen, Jógvan við Keldu, Henrik Old, Jóannes Eidesgaard, Jenis av Rana, Edmund Joensen, Lisbeth L. Petersen, Sámal Petur í Grund og Jógvan Durhuus, landsstýrismenninir Karsten Hansen, Finnbogi Arge og Helena Dam á Neystabø og ríkisumboðsmaðurin vóru ikki á fundi.

Til viðgerðar:

1. 3. viðgerð av tingmáli nr. 2/1999: Uppskot til løgtingslóg um broyting í løgtingslóg um vinnuligan fiskiskap.
   Uppskotið, sum samtykt við 2. viðgerð, endaliga samtykt 22-0-0.
   Málið avgreitt.

Farloyvi:
Skriv frá Jákup Sverra Kass, dagfest 10. august 1999, við umsókn um farloyvi frá 20. august 1999, og at næsti maður á lista Sjálvstýrisfloksins í Suðurstreymoyar valdømi tekur sæti á tingi. Formaðurin heitti á løgtingsmenninar Alfred Olsen, Vilhelm Johannesen og Jákup Suna Joensen um at kanna valbrøvini fyri Sjálvstýrisflokkin í Suðurstreymoyar valdømi. Vilhelm Johannesen mælti til, vegna seg sjálvan, Jákup Suna Joensen og Alfred Olsen, at Ronald Poulsen tekur sæti á tingi fyri Jákup Sverra Kass.
Samtykt uttan atkvøðugreiðslu.

Formaðurin boðaði frá fyrispurningi nr. 100-2/1999 til Anfinn Kallsberg, løgmann, frá Finni Helmsdal, løgtingsmanni, viðvíkjandi uppsøgnini av landsverkfrøðinginum.

Formaðurin setti næsta fund at verða týsdagin 10. august 1999 kl. 10.25 við hesi dagsskrá:

1. Atkvøðugreiðsla um fyrispurning nr. 100-2/1999 til Anfinn Kallsberg, løgmann, frá Finni Helmsdal, løgtingsmanni, viðvíkjandi uppsøgnini av landsverkfrøðinginum.
2. Framløga.

Fundur lokin kl. 10.20

Finnbogi Ísakson
løgtingsformaður

                                                                    /Marius Rein
                                                                skrivari