Ár 1999, týsdagin 3. august, kl. 10.00, varð fundur settur.

Løgtingsmenninir Vilhelm Johannesen og Hans Tausen Olsen vóru ikki á fundi.

Farloyvi:

Skriv frá Tórbjørn Jacobsen, dagfest 2. august 1999, við umsókn um farloyvi, og at næsti maður á lista tjóðveldisfloksins í Eysturoyar valdømi tekur sæti á tingi. Samtykt uttan atkvøðugreiðslu, at Hans Tausen Olsen, ið áður hevur verið á tingi, skal taka sæti fyri Tórbjørn Jacobsen.

Til viðgerðar:

1. 1. viðgerð av tingmáli nr. 2/1999: Uppskot til løgtingslóg um broyting í løgtingslóg um vinnuligan fiskiskap. Málið beint í vinnunevndina.
   
2. Umrøða av løgmansrøðuni.

Fundur niðurlagdur kl. 12.15
Fundur uppafturtikin kl. 13.30
Fundur niðurlagdur kl. 18.10

Fundur uppafturtikin mikudagin 4. august 1999 kl. 10.00

Fundur niðurlagdur kl. 12.10
Fundur uppafturtikin kl. 13.30

Málið avgreitt.

3. Val av tveimum limum og tveimum tiltakslimum til Norðurlandaráðið.

Valdir vórðu

Fastir limir:
Jógvan við Keldu
Dan R. Petersen

Tiltakslimir:
Jógvan á Lakjuni
Heðin Mortensen

4. Framløga.
   
   Vinnunevndin legði fram álit í tingmáli nr. 2/1999: Uppskot til løgtingslóg um broyting í løgtingslóg um vinnuligan fiskiskap.


Formaðurin fráboðaði fyrispurning nr. 100-1/1999 til Helenu Dam á Neystabø, landsstýrismann, frá Jenis av Rana, løgtingsmanni, um arvagransking.

Formaðurin setti næsta fund at verða fríggjadagin 6. august 1999 kl. 10.00 við hesi skrá:

1. Atkvøðugreiðsla um fyrispurning nr. 100-1/1999 til Helenu Dam á Neystabø, landsstýrismann, frá Jenis av Rana, løgtingsmanni, um arvagransking.
2. 2. viðgerð av tingmáli nr. 2/1999: Uppskot til løgtingslóg um broyting í løgtingslóg um vinnuligan fiskiskap.
3. Framløga.

Fundur lokin kl. 20.25

Finnbogi Ísakson
løgtingsformaður

/Marius Rein
     skrivari