Ár 1999, hósdagin 15. juli, kl. 10.00 varð tingfundur settur.

Løgtingsmenninir John Petersen, Jákup Suni Joensen, Hans Pauli Strøm, Vilhelm Johannesen, Jenis av Rana, Marjus Dam, Tórbjørn Jacobsen, Annita á Fríðriksmørk og Hergeir Nielsen, løgmaður og landsstýrismenninir Høgni Hoydal, Karsten Hansen, Jørgen Niclasen, Finnbogi Arge, Eyðun Elttør og Helena Dam á Neystabø vóru ikki á fundi.

John Petersen, løgtingsmaður, hevur í skrivi, dagfest 13. juli 1999, sagt tingsessin frá sær. Formaðurin mælti til, at Eyðun Viderø, ið er næsti maður á lista Fólkafloksins í Sandoyar valdømi, og sum áður hevur verið á tingi, tekur sæti fyri Fólkaflokkin í Sandoyar valdømi tað, ið eftir er av valskeiðnum.

Samtykt 22-0-1.

Fundur lokin kl. 10.15

Finnbogi Ísakson
løgtingsformaður

/Marius Rein
skrivari