Ár 1999, hósdagin 15. apríl 1999, kl. 13.30 varð tingfundur settur.

Løgmaður, landsstýrismenninir Høgni Hoydal, Karsten Hansen, Signar á Brúnni, Finnbogi Arge, Eyðun Elttør og Helena Dam á Neystabø og ríkisumboðsmaðurin vóru ikki á fundi.

Til viðgerðar:

1. 1. viðgerð av tingmáli nr. 121/1998: Uppskot til løgtingslóg um broyting í løgtingslóg um vinnuligan fiskiskap.

Málið beint beinleiðis til 2. viðgerð.

2. 1. viðgerð av tingmáli nr. 122/1998: Uppskot til broyting í tingskipan Føroya Løgtings.

Málið beint beinleiðis til 2. viðgerð.

3. 2. viðgerð av tingmáli nr. 92/1998: Uppskot til løgtingslóg um broyting í løgtingslóg um fólka- og farmaflutning.

Broytingaruppskot frá meirilutanum í vinnunevndini til § 1 samtykt 17-7-8. Uppskotið soleiðis broytt samtykt 18-3-11. At málið soleiðis samtykt kann fara yvir til 3. viðgerð samtykt uttan atkvøðugreiðslu.

4. 2. viðgerð av tingmáli nr. 97/1998: Uppskot til løgtingslóg um útbúgvingarstuðulsskipan.

Broytingaruppskot frá minnilutanum í mentanarnevndini til §§ 5, 6 og 13 fall 13-0-18. Uppskot landsstýrisins samtykt 31-0-0. At málið soleiðis samtykt kann fara yvir til 3. viðgerð samtykt uttan atkvøðugreiðslu.

5. Framløga

Trivnaðarnevndin legði fram álit í tingmálunum nr. 85/1998: Uppskot til løgtingslóg um arbeiðsumhvørvi og nr. 96/1998: Uppskot til ríkislógartilmæli um at seta í gildi fyri Føroyar "anordning om ikrafttræden for Færøerne af lov om beskyttelse af havmiljøet". Fíggjarnevndin legði fram álit í tingmáli nr. 109/1998: Uppskot til løgtingslóg um broyting í lóg "om Jordbrugets Fremme" og álit II í tingmáli nr. 103/1998: Uppskot til løgtingslóg um broyting í løgtingslóg um landsskatt og kommunuskatt. Mentanarnevndin legði fram álit í tingmáli nr. 104/1998: Uppskot til løgtingslóg um broyting í løgtingslóg um fólkaskúlan. Vinnunevndin legði fram álit í tingmáli nr. 87/1998: Uppskot til løgtingslóg um broyting í løgtingslóg um arbeiðsmarknaðareftirlønargrunn.

Formaðurin setti næsta fund at verða fríggjadagin 16. apríl 1999 kl. 10.00 við hesi dagsskrá:

1. Framhaldandi 2. viðgerð av tingmáli 103/1998: Uppskot til løgtingslóg um broyting í løgtingslóg um landsskatt og kommunuskatt.
2. 3. viðgerð av tingmáli nr. 76/1998: Uppskot til ríkislógartilmæli um at seta í gildi fyri Føroyar uppskot til "lov om undersøgelse af Politets Efterretningstjeneste"
3. 3. viðgerð av tingmáli nr. 94/1998: Uppskot til løgtingslóg um broyting í løgtingslóg um skrásetingargjald á mototakførum v.m.
4. 3. viðgerð av tingmáli nr. 105/1998: Uppskot til løgtingslóg um støðisútbúgving innan tøkni (SIT-útbúgvingar)
5. 3. viðgerð av tingmáli nr. 111/1998: Uppskot til ríkislógartilmæli um at seta í gildi fyri Føroyar uppskot til "Anordning om ikrafttræden for Færøerne af lov om ægteskabs indgåelse og opløsning"
6. Framløga

Fundur lokin kl. 16.45

Finnbogi Ísakson
løgtingsformaður

                                                                /Marius Rein
                                                            skrivari