Ár 1998, mikudagin 18. november, kl. 13.30 varð tingfundur settur.

Løgtingsmenninir Edmund Joensen, Marjus Dam, Sámal Petur í Grund , Heini O. Heinesen og Hergeir Nielsen, Finnbogi Arge, landsstýrismaður,  og ríkisumboðsmaðurin vóru ikki á fundi.

Farloyvi:
Skriv frá Annitu á Fríðriksmørk, dagfest 18. november 1998, um farloyvi til 27. november 1998 og at næsti maður á lista Tjóðveldisfloksins í Suðurstreymoyar valdømi tekur sæti á tingi. Samtykt uttan atkvøðugreiðslu at Hildur Patursson, ið áður hevur verið á tingi, tekur sæti fyri Annitu á Fríðriksmørk.

Til viðgerðar:

1. Helena Dam á Neystabø, landsstýrismaður, svaraði fyrispurningi nr. 100-6/1998 frá Kristian Magnussen, løgtingsmanni, viðvíkjandi barnaansingarviðurskiftum.
   Málið avgreitt.
   
2. 1. viðgerð av tingmáli nr. 58/1998: Uppskot til løgtingslóg um stuðul til lemmatrolarar.
   Málið beint í vinnunevndina.

Tikið av dagsskrá:
1. viðgerð av tingmáli nr. 44/1998: Uppskot til løgtingslóg um broyting í løgtingslóg um stuðul til bygging av fiskiførum á føroyskum skipasmiðjum til útflutnings, 1. viðgerð av tingmáli nr. 45/1998: Uppskot til løgtingslóg um ábyrgd fyri lánum til fiskamjøl og lýsi v.m. á goymslu, 1. viðgerð av tingmáli nr. 47/1998: Uppskot til løgtingslóg um broyting í løgtingslóg um Lønjavningargrunn, 1. viðgerð av tingmáli nr. 48/1998: Uppskot til løgtingslóg um broyting í løgtingslóg um Forskotsgrunn Fiskiflotans, 1. viðgerð av tingmáli nr. 39/1998: Uppskot til løgtingslóg um broyting í løgtingslóg um toll, 1. viðgerð av tingmáli nr. 40/1998: Uppskot til løgtingslóg um broyting í løgtingslóg um meirvirðisgjald, 1. viðgerð av tingmáli nr. 31/1998: Uppskot til løgtingslóg um støðisútbúgving innan fyrisitingar-, handils- og skrivstovuøkið. (FHS-útbúgvingar) og 1. viðgerð av tingmáli nr. 34/1998: Uppskot til løgtingslóg um broyting í løgtingslóg um støðisútbúgving innan tøkni.

Formaðurin fráboðaði fyrispurningi nr. 100-11/1998 til Signar á Brúnni, landsstýrismann, frá Bjarna Djurholm, løgtingsmanni, viðvíkjandi orðabókaútgávu úr og í fremmand mál.

Formaðurin setti næsta fund at verða hósdagin 19. november 1998 kl. 13.30 við hesi dagsskrá:

1. Atkvøðugreiðsla um fyrispurning nr. 100-11/1998 til Signar á Brúnni, landsstýrismann, frá Bjarna Djurholm, løgtingsmanni, viðvíkjandi orðabókaútgávu úr og í fremmand mál.
2. 1. viðgerð av tingmáli nr. 44/1998: Uppskot til løgtingslóg um broyting í løgtingslóg um stuðul til bygging av fiskiførum á føroyskum skipasmiðjum til útflutnings.
3. 1. viðgerð av tingmáli nr. 45/1998: Uppskot til løgtingslóg um ábyrgd fyri lánum til fiskamjøl og lýsi v.m. á goymslu.
4. 1. viðgerð av tingmáli nr. 47/1998: Uppskot til løgtingslóg um broyting í løgtingslóg um Lønjavningargrunn.
5. 1. viðgerð av tingmáli nr. 48/1998: Uppskot til løgtingslóg um broyting í løgtingslóg um Forskotsgrunn Fiskiflotans.
   Løgtingsmálini nr. 47 og nr. 48 verða viðgjørd undir einum.
6. 1. viðgerð av tingmáli nr. 39/1998: Uppskot til løgtingslóg um broyting í løgtingslóg um toll.
7. 1. viðgerð av tingmáli nr. 40/1998: Uppskot til løgtingslóg um broyting í løgtingslóg um meirvirðisgjald.
   Løgtingsmálini nr. 39 og nr. 40 verða viðgjørd undir einum.
8. 1. viðgerð av tingmáli nr. 31/1998: Uppskot til løgtingslóg um støðisútbúgving innan fyrisitingar-, handils- og skrivstovuøkið. (FHS-útbúgvingar).
9. 1. viðgerð av tingmáli nr. 34/1998: Uppskot til løgtingslóg um broyting í løgtingslóg um støðisútbúgving innan tøkni.
   Løgtingsmálini nr. 31 og nr. 34 verða viðgjørd undir einum.
10. Framløga.

Fundur lokin kl. 16.35

Finnbogi Ísakson
løgtingsformaður

                                                    /Marius Rein
                                                skrivari