Gerðabók Føroya Løgtings fyri tingsetuna 1998 | ||
3. fundur |
fríggjadag 7. august 1998 |
kl. 10.00 |
Ár 1998, fríggjadagin 7. august, kl. 10.00 varð tingfundur settur.
Løgtingsmenninir Jógvan við Keldu, Kristian Magnussen, Edmund Joensen, Sámal Petur í Grund og Tórbjørn Jacobsen, landsstýrismenninir Karstin Hansen, Eyðun Elltør og Helena Dam á Neystabø og ríkisumboðsmaðurin vóru ikki á fundi.
Til viðgerðar:
1. 1. viðgerð av tingmáli nr. 2/1998: Uppskot til samtyktar um kanning av
møguligum óregluligum politiskum og umsitingarligum
avgerðum frá 1980 og frameftir.
Málið beint beinleiðis til 2. viðgerð.
2. 1. viðgerð av tingmáli nr. 1-2/1998: Uppskot til
eykajáttanarlóg fyri august 1998.
Fundur niðurlagdur kl. 12.20
Fundur uppafturtikin kl. 13.30
Málið beint í fíggjarnevndina.
3. Atkvøðugreiðsla um fyrispurning nr. 100-1/1998
til John Petersen, landsstýrismann, frá Henrik Old, løgtingsmanni,
viðvíkjandi umsiting av íslandskvotuni.
Samtykt uttan atkvøðugreiðslu, at fyrispurningurin skal svarast.
4. 1. viðgerð av tingmáli nr. 3/1998: Uppskot til
løgtingslóg um broyting í løgtingslóg um vinnuligan fiskiskap.
Málið beint í vinnunevndina.
5. 1. viðgerð av tingmáli nr. 4/1998: Uppskot til
løgtingslóg um broyting í løgtingslóg um stuðul til telefonútreiðslur hjá
langfarasjómonnum.
Málið beint beinleiðis til 2. viðgerð.
Formaðurin setti næsta fund at verða mikudagin 12. august 1998 kl. 14.00 við hesi dagsskrá:
1. Framløga.
Fundur lokin kl. 16.50
Finnbogi Ísakson
løgtingsformaður
/Marius Rein
skrivari