Ár 1998, týsdagin 30. juni, kl. 10.00 varð tingfundur settur.

Løgtingsmenninir Bjarni Djurholm, Rúna Sivertsen, Dan Reinert Petersen, Jenis av Rana, Sámal Petur í Grund og Tórbjørn Jacobsen, løgmaður, landsstýrismenninir Høgni Hoydal, Karsten Hansen, John Petersen, Signar á Brúnni, og Finnbogi Arge og ríkisumboðsmaðurin vóru ikki á fundi.

Til viðgerðar:

1. 3. viðgerð av tingmáli nr. 165/1997: Uppskot til løgtingslóg um broyting í løgtingslóg um sjómenn.

Uppskotið sum samtykt við 2. viðgerð endaliga samtykt við 25-1-0 atkvøðum.
Málið avgreitt.

2. 3. viðgerð av tingmáli nr. 166/1997: Uppskot til løgtingslóg um manning av skipum.

Uppskotið sum samtykt við 2. viðgerð endaliga samtykt við 14-0-12 atkvøðum.
Málið avgreitt.

Formaðurin fráboðaði, at løgtingið hevur stovnað heimasíðu á internetinum, adressan er:  www.logting.fo.

Formaðurin boðaði frá, at um einki átrokandi mál kemur fyri, verður ikki tingfundur aftur fyrrenn á ólavsøku. Um tingfundur verður, so verður fundurin lýstur í útvarpinum.  

Fundur lokin kl. 10.20  

Finnbogi Ísakson
løgtingsformaður

/Marius Rein
skrivari