Ár 1998, mikudagin 24. juni, kl. 14.00 varð tingfundur settur.

Løgtingsmenninir Óli Breckmann, Dan Reinert Petersen, Katrin Dahl Jakobsen, Jóannes Eidesgaard, Flemming Mikkelsen, Sámal Petur í Grund og Jógvan Durhuus, løgmaður og landsstýrismenninir Karsten Hansen, Signar á Brúnni og Finnbogi Arge vóru ikki á fundi.

1. 2. viðgerð av tingmáli nr. 163/1997: Uppskot til samtyktar um góðkenning av avtalu frá 10. juni 1998 millum Ríkisstjórn Danmarkar og Føroya Landsstýrið.

Uppskotið til samtyktar samtykt við 25-0-0 atkvøðum.

Málið avgreitt.

2. Framløga.

Vinnunevndin legði fram álit í tingmálunum nr. 164/1997: Uppskot til samtyktar um staðfesting av STCW-F sáttmálanum um útbúgving, sjóvinnu og vaktarhald fyri manning á fiskiskipum, nr. 165/1997: Uppskot til løgtingslóg um broyting í løgtingslóg um sjómenn og nr. 166/1997: Uppskot til løgtingslóg um manning av skipum.

Formaðurin setti næsta fund at verða fríggjadagin 26. Juni 1998 kl. 10.00 við hesi dagsskrá:

1) 2. viðgerð av tingmáli nr. 164/1997: Uppskot til samtyktar um staðfesting av STCW-F sáttmálanum um útbúgving, sjóvinnu og vaktarhald fyri manning á fiskiskipum
2) 2. viðgerð av tingmáli nr. 165/1997: Uppskot til løgtingslóg um broyting í løgtingslóg um sjómenn.
3) 2. viðgerð av tingmáli nr. 166/1997: Uppskot til løgtingslóg um manning av skipum.
4) Framløga.

Fundur lokin kl. 14.50

Finnbogi Ísakson
løgtingsformaður

/Marius Rein
skrivari