Ár 1998, týsdagin 16. juni, kl. 10.00 varð tingfundur settur.

Løgtingsmenninir Rúna Sivertsen, Katrin Dahl Jacobsen, Flemming Mikkelsen, Finnur Helmsdal og Hergeir Nielsen og landsstýrismenninir Høgni Hoydal og Signar á Brúnni vóru ikki á fundi.

Farloyvi:

Skriv frá Tórbjørn Jacobsen, dagfest 15. juni 1998 um farloyvi til 26. juni 1998. Formaðurin heitti á Bjarna Djurholm, Páll á Reynatúgvu og Jóannes Eidesgaard um at kanna hvør er næstur á lista Tjóðveldis-floksins í Eysturoya valdømi. Bjarni Djurholm mælti til, vegna seg sjálvan, Páll á Reynatúgvu og Jóannes Eidesgaard, at Hans Tausen Olsen tekur sæti á tingi fyri Torbjørn Jacobsen.

Samtykt 26-0-0.

Til viðgerðar:

1. Framløga.

Løgmaður legði vegna landsstýrið fram tingmál nr. 163/1997: Uppskot til samtyktar um góðkenning av avtalu frá 10. juni 1998 millum Ríkisstjórn Danmarkar og Føroya Landsstýrið.

21 tingmenn viðmæltu, sambært § 54, stk. 2 í tingskipanini, at uppskotið kemur til viðgerðar.

Formaðurin setti næsta fund at verða hósdagin 18. juni 1998 kl. 10.00 við hesi dagsskrá:

1. 1. viðgerð av tingmáli nr. 163/1997: Uppskot til samtyktar um góðkenning av avtalu frá 10. juni 1998 millum Ríkisstjórn Danmarkar og Føroya Landsstýrið.

2. Framløga.

Fundur lokin kl. 10.35

Finnbogi Ísakson
løgtingsformaður

/Marius Rein
skrivari