Løgtingsins gerðabók fyri tingsetuna 2007

43. fundur

Ár 2007, mikudagin, 12. desember, kl. 13.40 varð tingfundur settur.

Løgtingsmenninir Kaj Leo Johannesen og Vilhelm Johannesen, og Jógvan á Lakjuni, landsstýrismaður, vóru ikki á fundi.
 

Til viðgerðar:
 

1.      2. viðgerð av tingmáli nr. 106/2007: Uppskot til eykafíggjarlóg fyri 2007
Uppskotið samtykt 29-0-0. Uppskotið fer soleiðis samtykt til 3. viðgerð.
 

2.      2. viðgerð av tingmáli nr. 96/2007: Uppskot til broyting í Tingskipanini
§§  1 og 2 samtyktar 20-4-5. Uppskotið fer soleiðis samtykt til 3. viðgerð.
 

3.      Framløga
Formaðurin boðaði frá, at Magni Laksáfoss, landsstýrismaður, vegna landsstýrið hevur lagt fram tingmál nr. 109/2007: Uppskot til løgtingslóg um bráðfeingis játtanarlóg fyri 2008.

Frávik

Uppskot frá formanninum um at gera frávík í tíðarfreistunum, sambært § 85 í tingskipanini,  millum 2. og 3. viðgerð av tingmálunum nr. 96/2007: Uppskot til broyting í Tingskipanini og nr. 106/2007: Uppskot til eykafíggjarlóg fyri 2007, og á øllum viðgerðarstigum í tingmáli nr. 109/2007: Uppskot til løgtingslóg um bráðfeingis játtanarlóg fyri 2008 fall 13-0-16.

Formaðurin setti næsta fund at verða fríggjadagin 14. desember 2007, kl. 9.30, við hesi dagsskrá:

1.      3. viðgerð av tingmáli nr. 96/2007: Uppskot til broyting í Tingskipanini

2.      3. viðgerð av tingmáli nr. 106/2007: Uppskot til eykafíggjarlóg fyri 2007

3.      1. viðgerð av tingmáli nr. 109/2007: Uppskot til løgtingslóg um bráðfeingis játtanarlóg fyri 2008

4.      Framløga
 

Fundur lokin kl. 14.00 

Edmund Joensen

løgtingsformaður 

/Marius Rein
skrivar