Løgtingsins gerðabók fyri tingsetuna 2007

42. fundur

Ár 2007, hósdagin, 6. desember, kl. 13.40 varð tingfundur settur.

Løgtingsmenninir Marjus Dam og Vilhelm Johannesen vóru ikki á fundi.
 

Til viðgerðar:

1.        3. viðgerð av tingmáli nr. 101/2007: Uppskot til løgtingslóg um broyting í løgtingslóg um matvørur v.m.
Uppskotið, sum samtykt við 2. viðgerð, endaliga samtykt 29-1-0.
Málið avgreitt
 

Fundur niðurlagdur kl. 13.46

Fundur uppafturtikin kl. 15.40
 

Formaðurin boðaði frá, at tingmenninir Høgni Hoydal,  Jenis av Rana,  Kári  P. Højgaard, Tórbjørn Jacobsen, Annita á Fríðriksmørk, Bill Justinussen, Heidi Petersen, Hergeir Nielsen, Karsten Hansen og Finnur Helmsdal  hava lagt fram tingmál nr. 108/2007: Misálit á Jóannes Eidesgaard, løgmann.
 

Fundur niðurlagdur kl. 15.45

Fundur uppafturtikin kl. 16.15
 

2.        Viðgerð av tingmáli nr. 108/2007: Misálit á Jóannes Eidesgaard, løgmann
Høgni Hoydal boðaði vegna uppskotssetararnar frá, at uppskotið verður tikið aftur.  Upp á fyrispurning frá formanninum, sambært § 55, stk. 2, tók eingin uppskotið upp aftur.
 

Tikið aftur: 

Formaðurin boðaði frá, at løgtingsmál nr. 107/2007: Uppskot til løgtingslóg um at byggja nýggjan studentaskúla í Hoydølum er tikið aftur av uppskotssetaranum. Upp á fyrispurning frá formanninum, sambært § 55, stk. 2, tók eingin uppskotið upp aftur.
 

3.        3. viðgerð av tingmáli nr. 18/2007: Uppskot til løgtingslóg um broyting í løgtingslóg um val til Føroya Løgting
Broytingaruppskot frá Kaj Leo Johannesen, Edmund Joensen, Johan Dahl, Lisbeth L. Petersen, Alfred Olsen og Olav Enomoto til § 2 lagt fram.
Løgmaður boðaði frá, at hann skrivar út val til Løgtingið at verða leygardagin 19. januar 2008.
 

Formaðurin boðaði frá, at tingarbeiði vanliga heldur uppat, tá ið nýval er útskrivað, men neyðugt er, at Løgtingið samtykkir eina bráðfeingis fíggjarlóg fyri 2008, og verður næsti fundur lýstur á vanligan hátt. 

Fundur lokin kl. 23.45 

Edmund Joensen

løgtingsformaður

/Marius Rein
skrivari