Løgtingsins gerðabók fyri tingsetuna 2007

20. fundur

Ár 2007, hósdagin, 11. oktober, kl. 9,30 varð tingfundur settur.

Anfinn Kallsberg, løgtingsmaður, og ríkisumboðsmaðurin vóru ikki á fundi.

Til viðgerðar:
 

1.        Atkvøðugreiðsla um skrivligan fyrispurning nr. S-25/2007 til Jógvan á Lakjuni, landsstýrismann í mentamálum, frá Jenis av Rana, løgtingsmanni, viðvíkjandi føroysk-týskari orðabók
Samtykt uttan atkvøðugreiðslu, at fyrispurningurin skal svarast.
 

2.        Atkvøðugreiðsla um skrivligan fyrispurning nr. S-26/2007 til Hans Paula Strøm, landsstýrismann í almannamálum, frá Finni Helmsdal, løgtingsmanni, viðvíkjandi afturlating av einum sambýli hjá eldri sinnisveikum
Samtykt uttan atkvøðugreiðslu, at fyrispurningurin skal svarast.
 

3.        Atkvøðugreiðsla um skrivligan fyrispurning nr. S-27/2007 til Bjarna Djurholm, landsstýrismann í vinnumálum, frá Annitu á Fríðriksmørk, løgtingsmanni, viðvíkjandi ætlaðu vegaføringini millum Eysturoyartunnilin og Gomlurætt
Samtykt uttan atkvøðugreiðslu, at fyrispurningurin skal svarast.
 

4.        2. viðgerð av tingmáli nr. 8/2007: Uppskot til løgtingslóg um broyting í løgtingslóg um ræði á málum og málsøkjum (Yvirtøka av málsøkjunum vinnufeløg, vinnugrunnar og ársroknskaparlóggávu)
Broytingaruppskot frá samdari uttanlandsnevnd til heiti og § 1 samtykt 24-0-0. Uppskotið soleiðis broytt samtykt 24-0-0. Uppskotið fer soleiðis samtykt til 3. viðgerð.
 

5.        1. viðgerð av tingmáli nr. 10/2007: Uppskot til løgtingslóg um fast samband millum Sandoy og Streymoy
Málið beint í vinnunevndin
 

6.        1. viðgerð av tingmáli nr. 36/2007: Uppskot til løgtingslóg um fast samband millum Sandoy og Streymoy
Málið beint í vinnunevndin
 

7.        1. viðgerð av tingmáli nr. 25/2007: Uppskot til løgtingslóg um broyting í løgtingslóg um arbeiðsloysistrygging og arbeiðsávísing
Málið beint í vinnunevndina
 

8.        1. viðgerð av tingmáli nr. 26/2007: Uppskot til løgtingslóg um at byggja nýggj hølir til Trygdarmiðstøðina í Klaksvík
Málið beint í vinnunevndina
 

9.        Framløga
Formaðurin boðaði frá, at tingmenninir Bill Justinussen, Karsten Hansen og Jenis av Rana vegna Miðflokkin hava lagt fram tingmálini nr. 37/2007: Uppskot til samtyktar um inngjald í samhaldsfasta arbeiðsmarknaðareftirløngargrunnin, nr. 38/2007: Uppskot til samtyktar um inngjald í barsilsskipanina og nr. 49/2007: Uppskot til løgtingslóg um broyting í løgtingslóg um áseting av skatti (Barnafrádráttur), at Heidi Petersen, løgtingsmaður hevur lagt fram tingmál nr. 43/2007: Uppskot til samtyktar viðvíkjandi kanning av alternativari flogvallarútbygging í Føroyum, at Magni Laksáfoss, landsstýrismaður, vegna landsstýrið hevur lagt fram tingmál nr. 48/2007: Uppskot til løgtingslóg um broyting í løgtingslóg um áseting av skatti (ásetingarlógin), at Hans Pauli Strøm, landsstýrismaður vegna landsstýrið hevur lagt fram tingmálini nr. 44/2007: Uppskot til løgtingslóg um lutaíbúðarfeløg, nr. 45/2007: Uppskot til løgtingslóg um broyting í løgtingslóg um almenna forsorg og nr. 50/2007: Uppskot til løgtingslóg um broyting í løgtingslóg um áseting og javning av almannaveitingum, at Bjarni Djurholm, landsstýrismaður, vegna landsstýrið hevur lagt fram tingmálini nr. 46/2007: Uppskot til løgtingslóg um at stovna partafelag at byggja og at reka granskarapark og nr. 47/2007: Uppskot til løgtingslóg um at nýta part av stovnsfænum hjá Vinnuframagrunninum at seta í partafelag at byggja og at reka granskarapark, at Kári P. Højgaard, tingmaður, vegna Sjálvstýrisflokkin hevur lagt fram tingmál nr. 51/2007: Uppskot til løgtingslóg um vegaføring við Leirvík, at tingmenninir Alfred Olsen, Bill Justinussen og Kári P. Højgaard hava lagt fram tingmál nr. 52/2007: Uppskot til løgtingslóg um fyrireiking til vega- og tunnilsgerð millum Skálafjørðin og Suðurstreymoy, og at vinnunevndin hevur lagt fram álit í tingmálunum nr. 17/2007: Uppskot til løgtingslóg um broyting í løgtingslóg um barsilsskipan og nr. 23/2007: Uppskot til løgtingslóg um broyting í løgtingslóg um landsjørð

Formaðurin boðaði frá skrivligum fyrispurningi nr. S-28/2004 til  Bjarna Djurholm, landsstýrismann frá Kára P. Højgaard, løgtingsmanni,  viðvíkjandi almenna partafelagnum Postverki Føroya 

Farloyvi:
Skriv frá Jenis av Rana, løgtingsmanni, dagfest tann 11. oktober 2007, við umsókn um farloyvi frá 12. til 19. oktober 2007, og at næstvaldi á lista Miðfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Egin Henriksen, ið áður hevur verið á tingi, tekur sæti fyri Jenis av Rana.

Formaðurin setti næsta fund at verða fríggjadagin 12. oktober 2007, kl. 9.30, við hesi dagsskrá:

1.           Atkvøðugreiðsla um skrivligan fyrispurning nr. S-28/2007 til Bjarna Djurholm, landsstýrismann í vinnumálum, frá Kára P. Højgaard, løgtingsmanni, viðvíkjandi almenna partafelagnum Postverki Føroya

2.           2. viðgerð av tingmáli nr. 14/2007: Uppskot til samtyktar um EFTA og ræði á málum og málsøkjum

3.           1. viðgerð av tingmál nr. 16/2007: Uppskot til samtyktar um at skipa tjóðarlundir í Føroyum
Málið verður beint í rættarnevndina

4.           1. viðgerð av tingmáli nr. 27/2007: Uppskot til løgtingslóg um barnaumboðsmann
Málið verður beint í trivnaðarnevndina

5.           1. viðgerð av tingmáli nr. 28/2007: Uppskot til løgtingslóg um broyting í løgtingslóg um almannapensjónir o.a.
Málið verður beint í trivnaðarnevndina

6.           Framløga 

Fundur lokin kl. 19.20 

Edmund Joensen

løgtingsformaður

/Marius Rein
skrivari