Løgtingsins gerðabók fyri tingsetuna 2007

12. fundur

Ár 2007, týsdagin, 18. september, kl. 9,30 varð tingfundur settur.

Løgtingsmenninir Páll á Reynatúgvu, Kaj Leo Johannessen, Heðin Zachariasen og Andrias Petersen, landsstýrismenninir Jacob Vestergaard, Bjarni Djurholm, Bjørn Kalsø og Magni Laksafoss vóru ikki á fundi.

Farloyvi:

Skriv frá Alfred Olsen, løgtingsmanni, dagfest tann 14. september 2007, við umsókn um farloyvi frá 18. september 2007 og 7 dagar fram, og at næsti maður á lista Sambandsfloksins í Eysturoyar valdømi tekur sæti á tingi.

Frithleif Olsen, ið áður hevur verið á tingi, sigur í skrivi, dagfest tann 18. september 2007, at hann ikki fær møtt á tingi í nevnda tíðarskeiði. Formaðurin fer at heita á tingmenninar Hergeir Nielsen, Kristian Magnussen og Lisbeth L. Petersen um at kanna valbrøvini í Eysturoyar valdømi. Hergeir Nielsen mælti til, vegna seg sjálvan, Kristian Magnusen og Lisbeth L. Petersen, at Helgi Abrahamsen tekur sæti á tingi fyri Alfred Olsen. Samtykt uttan atkvøðugreiðslu, at Helgi Abrahamsen tekur sæti á tingi.

Til viðgerðar: 

1.      1. viðgerð av tingmáli nr. 17/2007: Uppskot til løgtingslóg um broyting í løgtingslóg um barsilsskipan
Málið varð beint í vinnunevndina.
 

2.      1. viðgerð av tingmáli nr. 19/2007: Uppskot til løgtingslóg um broyting í løgtingslóg um barnagjald til einsamallar uppihaldarar v.fl. (barnaískoyti til einsamallar uppihaldarar)
Málið varð beint í trivnaðarnevndina.
 

3.      1. viðgerð av tingmáli nr. 20/2007: Uppskot til løgtingslóg um broyting í løgtingslóg um áseting og javning av almannaveitingum (barnaískoyti til einsamallar uppihaldarar).
Málið varð beint í trivnaðarnevndina.
Tingmálini nr. 19 og 20/2007 vóru viðgjørd undir einum
 

4.      Framløga
Formaðurin boðaði frá, at Jenis av Rana, Bill Justinussen og Karsten Hansen, vegna Miðflokkin hava lagt fram tingmál nr. 22/2007: Uppskot til løgtingslóg um fosturtøkunevnd og Høgni Hoydal, Tórbjørn Jacobsen, Heidi Petersen, Finnur Helmsdal, Páll á Reynatúgvu, Hergeir Nielsen og Annita á Fríðriksmørk, vegna Tjóðveldi hava lagt fram tingmál nr. 24/2007: Uppskot til samtyktar um miðvísa gransking av javnstøðu

Formaðurin fráboðaði skrivligum fyrispurningi:
nr. S-13/2007 til Jacob Vestergaard, landsstýrismann, frá John Johannessen, løgtingsmanni, viðvíkjandi oljudálkingum
 

Formaðurin setti næsta fund at verða mikudagin 19. september 2007, kl. 9.30, við hesi dagsskrá:

1.    Ófráboðaðir fyrispurningar

2.    Atkvøðugreiðsla um fyrispurning nr. S-13/2007 til Jacob Vestergaard, landsstýrismann, frá John Johannessen, viðvíkjandi oljudálkingum

3.    Jógvan á Lakjuni, landsstýrismaður, leggur fram tingmál nr. F-2/2007:  Frágreiðing sambært § 51, stk. 4 í tingskipanini um endurskoðan av gymnasialu miðnámsútbúgvingunum

3.      Svar upp á fyrispurning nr. S-3/2007 til Hans Paula Strøm, landsstýrismann, frá  Annitu á Fríðriksmørk, løgtingsmanni, viðvíkjandi støði á sambýlum hjá teimum við menningartarni

4.   Svar upp á fyrispurning nr. S-4/2007 til Hans Paula Strøm, landsstýrismann, frá Annitu á Fríðriksmørk, viðvíkjandi støðuni hjá teimum við menningartarni

5.      Framløga

Fundur lokin kl.15.35 

Edmund Joensen

løgtingsformaður

/Beinta Isaksen
skrivari