Løgtingsins gerðabók fyri tingsetuna 2005

86. fundur

Ár 2006, mikudagin 19. apríl, kl. 13.30 varð tingfundur settur.

Heidi Petersen, løgtingsmaður, og Søren Christensen, ríkisumboðsmaður, vóru ikki á fundi.

Farloyvi:

Skriv frá Marjus Dam, løgtingsmanni, dagfest tann 18. apríl 2005, við umsókn um farloyvi frá 19. apríl 2006, og at næsti maður á lista Sambandsfloksins í Vága valdømi tekur sæti á tingi. Í skrivum frá Suna Jacobsen, dagfest tann 19. apríl 2005, og frá Gunnar Nattestad, dagfest tann 18. apríl 2006, boðað hesir frá, at teir ikki kunnu møta á tingi.
Formaðurin heitti á tingmenninar Hergeir Nielsen, Páll á Reynatúgvu og Lisbeth L. Petersen um at kanna valbrøvini í Vága valdømi. Hergeir Nielsen mælti til, vegna seg sjálvan, Páll á Reynatúgvu og Kaj Leo Johannesen, at Rósa Samuelsen tekur sæti fyri Marjus Dam.

Samtykt uttan atkvøðugreiðslu.

Til viðgerðar:

1.      Ófráboðaðir fyrispurningar
 

2.      3. viðgerð av tingmáli nr. 69/2005: Uppskot til løgtingslóg um broyting í løgtingslóg um læraraútbúgving
Uppskotið, sum samtykt við 2. viðgerð, endaliga samtykt 31-0-0.
Málið avgreitt.
 

3.      3. viðgerð av tingmáli nr. 99/2005: Uppskot til løgtingslóg um broyting í løgtingslóg um biografar
Uppskotið, sum samtykt við 2. viðgerð, endaliga samtykt 31-0-0.
Málið avgreitt.
 

4.      2. viðgerð av tingmáli nr. 33/2005: Uppskot til løgtingslóg um ræði á málum og málsøkjum
§§ 1, 2 og 3 samtyktar 23-1-7. Uppskotið fer soleiðis samtykt til 3. viðgerð.
 

5.      2. viðgerð av tingmáli nr. 52/2005: Uppskot til samtyktar um fráboðan til Sameindu Tjóðir
Uppskotið til samtyktar fall 10-0-20.
Málið avgreitt.
 

6.      2. viðgerð av tingmáli nr. 103/2005: Uppskot til samtyktar um einskiljingar av vinnufyritøkum hins almenna
Uppskotið til samtyktar fall 9-0-21.
Málið avgreitt.
 

7.      2. viðgerð av tingmáli nr. 75/2005: Uppskot til løgtingslóg um broyting í løgtingslóg um gransking
Broytingaruppskot frá samdari mentanarnevnd til § 1 samtykt 28-0-2. Uppskotið soleiðis broytt samtykt 28-0-2. Uppskotið fer soleiðis samtykt til 3. viðgerð.
 

8.      2. viðgerð av tingmáli nr. 95/2005: Uppskot til ríkislógartilmæli um at seta í gildi fyri Føroyar ”lov om adoption”
Uppskot til ríkislógartilmæli samtykt 28-0-0. Uppskotið fer soleiðis samtykt til 3. viðgerð.
 

9.      2. viðgerð av tingmáli nr. 65/2005: Uppskot til løgtingslóg um broyting í løgtingslóg um uppihald á stovni o.l.
Broytingaruppskot frá meirilutanum  í trivnaðarnevndini, Jørgen Niclasen,  Finni Helmsdal, Andrias Petersen, Lisbeth L. Petersen, Johan Dahl og Annitu á Fríðriksmørk, til § 2 samtykt 29-0-0. Uppskotið soleiðis broytt samtykt 27-0-2. Uppskotið fer soleiðis samtykt til 3. viðgerð.
 

10.  2. viðgerð av tingmáli nr. 74/2005: Uppskot til løgtingslóg um dagføring av heilivágsframleiðsluni hjá Apoteksverkinum
§§ 1 og 2 samtyktar 21-1-0. Uppskotið fer soleiðis samtykt til 3. viðgerð.
 

11.  2. viðgerð av tingmáli nr. 78/2005: Uppskot til løgtingslóg um at høvuðsumvæla og nútíðargera Landssjúkrahúsið
§§ 1 og 2 samtykt 21-0-0. Uppskotið fer soleiðis samtykt til 3. viðgerð
 

12.  Jógvan á Lakjuni, landsstýrismaður, svaraði fyrispurningi nr. 100-41/2005 frá Finni Helmsdal, løgtingsmanni, viðvíkjandi tí at vera orðblindur
Málið avgreitt.
 

13.  Jacob Vestergaard, landsstýrismaður, svaraði fyrispurningi nr. 100-42/2005 frá Finni Helmsdal, løgtingsmanni, viðvíkjandi foreldrarætti
Málið avgreitt.
 

14.  Framløga
Formaðurin boðaði frá,
- at  Bjarni Djurholm, landsstýrismaður, vegna landsstýrið hevur lagt fram tingmál nr. 115/2005: Uppskot til løgtingslóg um vegaføring við Leirvík
Hesir tingmenn viðmæla, sambært § 54, stk. 2 í tingskipanini, at málið kann leggjast fram og fáa viðgerð: Óli Breckmann, Heðin Zachariasen, Kjartan Joensen, Jógvan við Keldu, Johan Dahl, Jørgen Niclasen, Gerhard Lognberg, Sverre Midjord, Henrik Old, Kristian Magnussen, John Johannessen, Kaj Leo Johannesen, Lisbeth L. Petersen, Olav Enomoto, Anfinn Kallsberg, Jenis av Rana og Bill Justinussen.
- at Bárður Nielsen, landsstýrismaður, vegna landsstýrið hevur lagt fram tingmál nr. 1-14/2005: Uppskot til eykajáttanarløgtingslóg fyri apríl 2006-2
Hesir tingmenn viðmæla, sambært § 54, stk. 2, í tingskipanini, at málið kann leggjast fram og fáa viðgerð:  Heðin Zachariasen, Jørgen Niclasen, Kjartan Joensen, Jógvan við Keldu, Poul Michelsen, Johan Dahl, Andrias Petersen, Kristian Magnussen, Henrik Old, Gerhard Lognberg, Sverre Midjord, Vilhelm Johannesen, Olav Enomoto, Lisbeth L. Petersen, Anfinn Kallsberg, Óli Breckmann og Kaj Leo Johannesen.
- og at uttanlandsnevndin hevur lagt fram álit í tingmáli nr. 60/2005: Uppskot til løgtingslóg um altjóða menningarstarv
 

Formaðurin setti næsta fund at verða hósdagin, 20. apríl 2006, kl. 13.30 við hesi dagsskrá:
 

1.      2. viðgerð av tingmáli nr. 77/2005: Uppskot til samtyktar um samferðsluætlan fyri suðurøki

2.      2. viðgerð av tingmáli nr. 59/2005: Uppskot til samtyktar um sjóvinnuútbúgvingarmiðdepil

3.      2. viðgerð av tingmáli nr. 98/2005: Uppskot til samtyktar um fólkaskúlalógina

4.      2. viðgerð av tingmáli nr. 88/2005: Uppskot til løgtinglóg um broyting í løgtingslóg um flaggið

5.      2. viðgerð av tingmáli nr. 56/2005: Uppskot til samtyktar um einsamallar uppihaldarar

6.      Svar upp á fyrispurning nr. 100-44/2005 til Jógvan á Lakjuni, landsstýrismann í skúlamálum, frá Annitu á Fríðriksmørk, løgtingsmanni, viðvíkjandi Maskinmeistara- og Sjómansskúlanum

7.      Svar upp á fyrispurning nr. 100-45/2005 til Bárð Nielsen, landsstýrismann, frá løgtingsmonnunum Jenis av Rana og Bill Justinussen, viðvíkjandi lønarviðurskiftum í ymisku yrkjunum

8.      Framløga 

Fundur lokin kl. 19.06 

Edmund Joensen

løgtingsformaður

/Marius Rein
skrivari