Løgtingsins gerðabók fyri tingsetuna 2005

80. fundur

Ár 2006, mikudagin 29. mars, kl. 13.30 varð tingfundur settur.

Løgmaður og ríkisumboðsmaðurin  vóru ikki á fundi.

Til viðgerðar:

1.      Munnligir fyrispurningar
 

2.      Framløga
Formaðurin boðaði frá, at vinnunevndin hevur lagt fram álit í tingmáli nr. 103/2005: Uppskot til samtyktar um einskiljingar av vinnufyritøkum hins almenna, og at mentanarnevndin hevur lagt fram álit í tingmálunum nr. 69/2005: Uppskot til løgtingslóg um broyting í løgtingslóg um læraraútbúgving, og nr. 99/2005: Uppskot til løgtingslóg um broyting í løgtingslóg um biografar.

Formaðurin boðaði frá, at Johan Dahl, løgtingsmaður, í skrivi dagfest 26. mars 2006 sigur frá, at hann ikki longur er partur av tingbólki Sambandsfloksins, og at hann frameftir er uttanflokkatingmaður.

Formaðurin setti næsta fund at verða týsdagin, 4. apríl 2006, kl. 13.30 við hesi dagsskrá:
 

1.      2. viðgerð av tingmáli nr. 55/2005: Uppskot til løgtingslóg um broyting í løgtingslóg um áseting av skatti

2.      2. viðgerð av tingmáli nr. 66/2005: Uppskot til løgtingslóg um bjargingarútgerð á opnum bátum og førum undir 20 tons (BT)

3.      2. viðgerð av tingmáli nr. 84/2005: Uppskot til løgtingslóg um veg millum Skála og Strendur

4.      2. viðgerð av tingmáli nr. 89/2005: Uppskot til løgtingslóg um broyting í løgtingslóg um skráseting av skipum

5.      1. viðgerð av tingmáli nr. 110/2005: Uppskot til samtyktar um at heimila Fíggingargrunninum frá 1992 at selja partabrøv í P/F Føroya Banka
Málið verður beint í fíggjarnevndina.

6.      Framløga

Fundur lokin kl. 16.30 

Edmund Joensen

løgtingsformaður

/Marius Rein
skrivari