Løgtingsins gerðabók fyri tingsetuna 2005

25. fundur

Ár 2005, týsdagin 15. november, kl. 13.35 varð tingfundur settur.

Løgtingsmenninir Karsten Hansen og Vilhelm Johannesen, og Bjørn Kalsø, landsstýrismaður, vóru ikki á fundi

 

Farloyvi: 

Skriv frá Jenis av Rana, løgtingsmanni, dagfest 9. november 2005, við umsókn um farloyvi frá og við 15. november 2005 til og við 24. november 2005, og at næsti maður á lista Miðfloksins í Suðurstreymoyar val­dømi tekur sæti á tingi. Samtykt uttan atkvøðugreiðslu, at Egin Henriksen, ið áður hevur verið á tingi, tekur sæti fyri Jenis av Rana.

Skriv frá Heðin Zachariasen, løgtingsmanni, dagfest 14. november 2005, við umsókn um farloyvi frá og við 15. november 2005 til og við 25. november 2005, og at næsti maður á lista Fólkafloksins í Norðstreymoyar valdømi tekur sæti á tingi. Samtykt uttan atkvøðugreiðslu, at Ingi Olsen, ið áður hevur verið á tingi, tekur sæti fyri Heðin Zachariasen.

Skriv frá Marjus Dam, løgtingsmanni, dagfest 15. november 2005, við umsókn um farloyvi, og at næsti maður á lista Sambandsfloksins í Vága valdømi tekur sæti á tingi.  

Skriv frá Suna Jacobsen, dagfest 14. november 2005, har boðað verður frá, at hann  ikki fær møtt á tingi.

Formaðurin heitti á tingmenninar Hergeir Nielsen, Lisbeth L. Petersen og Kaj Leo Johannesen um at kanna valbrøvini í Vága valdømi.

Hergeir Nielsen mælti til, vegna seg sjálvan, Lisbeth L. Petersen og Kaj Leo Johannesen, at Gunnar Nattestad tekur sæti fyri Marjus Dam. 

Samtykt uttan atkvøðugreiðslu.

Til viðgerðar:
 

1.      1. viðgerð av tingmáli nr. 28/2005: Uppskot til samtyktar um norður­lendskan sáttmála um fólkayvirlit
Málið beint í uttanlandsnevndina

2.      1. viðgerð av tingmáli nr. 29/2005: Uppskot til løgtingslóg um broyting í løgtingslóg um fast samband um Leirvíksfjørð
Málið beint í vinnunevndina
 

3.      1. viðgerð av tingmáli nr. 30/2005: Uppskot til løgtingslóg um broyting í løgtingslóg um meirvirðisgjald
Málið beint í fíggjarnevndina
 

Formaðurin setti næsta fund at verða mikudagin 16. november 2005, kl. 13.30  við hesi dagsskrá:

1.   1. viðgerð av tingmáli nr. 32/2005: Uppskot til løgtingslóg um at veita stuðul til íløgur í infrakervið á útoyggjum
Málið verður beint í vinnunevndina

2.   1. viðgerð av tingmáli nr. 37/2005:  Uppskot til løgtingslóg um broyting í løgtingslóg um arbeiðsmarknaðareftirlønargrunn
Málið verður beint í trivnaðarnevndina

3.      1. viðgerð av tingmáli nr. 39/2005: Uppskot til løgtingslóg um broyting í løgtingslóg um barsilsskipan
Málið verður beint í vinnunevndin

4.      Framløga 

Fundur lokin kl. 18.25 

Edmund Joensen

løgtingsformaður 

/Marius Rein
skrivari