Løgtingsins gerðabók fyri tingsetuna 2005
16. fundur
Ár 2005, hósdagin 20. oktober, kl. 13.30 varð tingfundur settur.
Bárður Nielsen,
landsstýrismaður, var ikki á fundi
Til viðgerðar:
1. 2. viðgerð av tingmáli nr. 6/2005: Uppskot til samtyktar um at seta nevnd viðvíkjandi øktum kvinnuleikluti í politikki.
Fundur
niðurlagdur kl. 13.40
Fundur uppafturtikin kl. 13.55
Broytingaruppskot frá samdati trivnaðarnevnd til uppskot til samtyktar samtykt
29-1-0. Uppskot til samtyktar soleiðis broytt samtykt 28-0-1.
Málið avgreitt.
2. 1. viðgerð av tingmáli nr. 12/2005: Uppskot til løgtingslóg um at gera íløgur í útvarps- og sjónvarpssendinetið
Málið beint í vinnunevndina.
3. 1. viðgerð av tingmáli nr. 13/2005: Uppskot til samtyktar um broyting í løgtingslógini um almannapensjónir o.a.
Málið beint í trivnaðarnevndina.
4. Søren Christensen, ríkisumboðsmaður, svaraði fyrispurningi nr. 100-2/2005 frá Høgna Hoydal, løgtingsmanni, viðvíkjandi politisku útsøgnum hansara um yvirtøkulógir og uttanríkispolitiskar heimildarlógir.
Málið avgreitt.
Tikið av dagskrá:
Svar upp á fyrispurning nr. 100-11/2005 til Bjørn Kalsø, landsstýrismann, frá Tórbjørn Jacobsen, løgtingsmanni, viðvíkjandi kunngerðum um fiskiskap eftir havtasku og svartkalva við gørnum á føroysku landleiðini, og svar upp á fyrispurning nr. 100-12/2005 til Jógvan við Keldu, landsstýrismann, frá Kára P. Højgaard, løgtingsmanni, viðvíkjandi flutningsskyldu á farmaflutningi.
Formaðurin setti næsta fund at verða fríggjadagin 21. oktober 2005, kl. 10.00 við hesi dagsskrá:
1. Munnligir fyrispurningar
2. Framløga.
Fundur lokin kl. 18.50.
Edmund Joensen
løgtingsformaður
/Marius Rein
skrivari