Løgtingsins gerðabók fyri tingsetuna 2005

5. fundur

Ár 2005, týsdagin, 16. august, kl. 13.30, varð tingfundur settur.

Løgtingsmenninir Lisbeth L. Petersen og Jenis av Rana, løgmaður, landsstýrismenninir Jógvan á Lakjuni og Jógvan við Keldu, og ríkisumboðsmaðurin vóru ikki á fundi.

Farloyvi: 

Skriv frá Kára P. Højgaard, løgtingsmanni, dagfest tann 12. august 2005, við umsókn um farloyvi frá 16. august 2005 og 10 dagar fram, og at næsti maður á lista Sjálvstýrisfloksins í Eysturoyar valdømi tekur sæti á tingi. Samtykt uttan atkvøðugreiðslu, at Dánial Petur Hansen, ið áður hevur verið á tingi, tekur sæti fyri Kára P. Højgaard.

Til viðgerðar:

1.      Atkvøðugreiðsla um fyrispurning nr. 100-5/2005 til Jóannes Eidesgaard, løgmann, frá Tórbjørn Jacobsen, løgtingsmanni, viðvíkjandi bjargingarmálinum ”Jøkulfell”
Samtykt uttan atkvøðugreiðslu, at fyrispurningurin skal svarast.
 

2.      Atkvøðugreiðsla um fyrispurning nr. 100-6/2005 til Jóannes Eidesgaard, løgmann, frá Annitu á Fríðriksmørk, løgtingsmanni, viðvíkjandi setan av lærara við frítíðarskúlan á Tvøroyri
Samtykt uttan atkvøðugreiðslu, at fyrispurningurin skal svarast.
 

3.      Atkvøðugreiðsla um fyrispurning nr. 100-7/2005 til Jóannes Eidesgaard, løgmann, frá Høgna Hoydal, løgtingsmanni, viðvíkjandi EFTA
Samtykt uttan atkvøðugreiðslu, at fyrispurningurin skal svarast.
 

4.      Atkvøðugreiðsla um fyrispurning nr. 100-8/2005 til Jóannes Eidesgaard, løgmann, frá Høgna Hoydal, løgtingsmanni, viðvíkjandi sjálvstøðugum limaskapi í norðurlendskum samstarvi
Samtykt uttan atkvøðugreiðslu, at fyrispurningurin skal svarast.
 

5.      2. viðgerð av tingmáli nr. 2/2005: Uppskot til løgtings­lóg um broyting í løgtingslóg um vinnuligan fiskiskap
Uppskot frá Tórbjørn Jacobsen um at beina málið aftur í nevnd fall 10-0-17. Broytingaruppskot frá minnilutanum í vinnunevndini, Heidi Petersen og Tórbjørn Jacobsen, til § 1, nr. 8 fall 9-0-18. Broytingaruppskot frá meirilutanum í vinnunevndini, Henrik Old, Alfred Olsen, Jørgen Niclasen, Heðin Zachariasen og Gerhard Lognberg, til § 1, nr. 4 og nr. 7 samtykt 18-0-9. Uppskotið soleiðis broytt samtykt 26-1-1. Uppskotið fer soleiðis samtykt til 3. viðgerð.
 

6.      Framløga
Formaðurin boðað frá, at tingmenninir Bill Justinussen og Jenis av Rana, vegna Miðflokkin, og Kári P. Højgaard, vegna Sjálvstýrisflokkin, hava lagt fram tingmál nr. 4/2005: Uppskot til løgtinglóg um broyting í løgtingslóg um serligt avgjald á brenniolju, og at tingmenninir Annita á Fríðriksmørk, Tórbjørn Jacobsen og Heidi Petersen, vegna Tjóðveldisflokkin hava lagt fram tingmál nr. 5/2005: Uppskot til løgtingslóg um at byggja skúladepil í Marknagili.

Formaðurin fráboðaði  fyrispurning nr. 100-9/2005 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi kreppuhjálp til tsunami-raktu økini í Indiska havinum

Formaðurin setti næsta fund at verða hósdagin 18. august 2005, kl. 13.30,  við hesi dagsskrá:

1.        Munnligir fyrispurningar

2.        Atkvøðugreiðsla um fyrispurning nr. 100-9/2005 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi kreppuhjálp til tsunami-raktu økini í Indiska havinum

3.        3. viðgerð av tingmáli nr. 2/2005: Uppskot til løgtingslóg um broyting í løgtingslóg um vinnuligan fiskiskap

4.        Framløga 

Fundur lokin kl. 15.13. 

Edmund Joensen

løgtingsformaður 

/Marius Rein
skrivari