76. fundur
Ár 2004, hósdagin 6. mai kl. 13.40 varð tingfundur settur.
Løgtingsmenninir Annita á Fríðriksmørk, Høgni Hoydal, Lisbeth L. Petersen, Jenis
av Rana og Andrias Petersen, løgmaður, og ríkisumboðsmaðurin vóru ikki á fundi.
Tilviðgerðar:
Atkvøðugreiðsla um uppskot um at velja tingnevndirnar av nýggjum sambært § 26,
stk. 1 í tingskipanini.
Eftir uppskotið frá Alfred Olsen, løgtingsmanni, vegna Sambandsflokkin, varð sett
undir atkvøðugreiðslu uppskot um at velja tingnevndirnar av nýggjum.
Uppskotið samtykt 25-0-0.
Nevndirnar, ið valdar vórðu 5. februar 2004, vórðu afturvaldar, í uttanlandsnevndina
varð tó Johan Dahl valdur fastur limur í staðin fyri Kaj Leo Johannesen.
3. viðgerð av tingmáli nr.
59/2003: Uppskot til løgtingslóg um broyting í ymsum skattalógum (aligoymslur
v.m).
Uppskotið, sum samtykt við 2. viðgerð, endaliga samtykt 25-0-0.
Málið avgreitt.
3. viðgerð av tingmáli nr.
61/2003: Ríkislógartilmæli um at seta í gildi fyri Føroyar "lov om Den
Internationale Havretsdomstols kompetence og om fuldbyrdelse af Domstolens afgørelser i
visse sager".
Uppskotið, sum samtykt við 2. viðgerð, endaliga samtykt 27-0-0.
Málið avgreitt.
3. viðgerð av tingmáli nr.
65/2003: Uppskot til løgtingslóg um broyting í løgtingslóg um viðgerð av
persónsupplýsingum.
Uppskotið, sum samtykt við 2. viðgerð, endaliga samtykt 20-0-7.
Málið avgreitt.
2. viðgerð av tingmáli nr. 58/2003:
Uppskot til løgtingslóg um broyting í løgtingslóg um aling av fiski v.m.
Broytingaruppskot frá samdari vinnunevnd til § 1 samtykt 24-0-0. Uppskotið
soleiðis broytt samtykt 25-0-0.
Uppskotið fer soleiðis samtykt til 3. viðgerð.
2. viðgerð av tingmáli nr. 67/2003:
Uppskot til løgtingslóg um annað útbjóðingarumfar til leiting eftir og framleiðslu
av kolvetnum.
§§ 1 4 samtyktar 25-0-0. Uppskotið fer
soleiðis samtykt til 3. viðgerð.
2. viðgerð av tingmáli nr. 68/2003:
Uppskot til løgtingslóg um yrkisskeið.
Broytingaruppskot frá samdari mentanarnevnd til § 10 samtykt 26-0-0.
Uppskotið soleiðis broytt samtykt 26-0-0. Uppskotið fer
soleiðis samtykt til 3. viðgerð.
Framløga.
Formaðurin boðaði frá, at vinnunevndin hevur lagt fram álit í tingmáli nr. 64/2003:
Uppskot til løgtingslóg um sjúkratrygd til fiskimenn.
Formaðurin setti næsta fund at verða týsdagin 11. mai 2004 kl. 10.00 við hesi
dagsskrá:
- 2. viðgerð av tingmáli nr. 1-7/2003:
Uppskot til løgtingsfíggjarlóg fyri 2004.
- 3. viðgerð av tingmáli nr. 50/2003: Uppskot
til løgtingslóg um landsjørð.
- 3. viðgerð av tingmáli nr. 51/2003:
Uppskot til løgtingslóg um búnaðargrunn.
- 3. viðgerð av tingmáli nr. 58/2003: Uppskot
til løgtingslóg um broyting í løgtingslóg um aling av fiski v.m.
- 3. viðgerð av tingmáli nr. 67/2003:
Uppskot til løgtingslóg um annað útbjóðingarumfar til leiting eftir og framleiðslu
av kolvetnum.
- 3. viðgerð av tingmáli nr. 68/2003: Uppskot
til løgtingslóg um yrkisskeið.
- Svar upp á fyrispurning nr. 100-34/2003
til Jógvan við Keldu, landsstýrismann í innlendismálum, frá Heidi Petersen,
løgtingsmanni, viðvíkjandi skerjing av løgregluni kring landið.
- Framløga.
Fundur lokin kl. 14.33
Edmund Joensen
løgtingsformaður
/Marius Rein
skrivari