74. fundur

Ár 2004, týsdagin 4. mai kl. 13.35 varð tingfundur settur.

Gerhard Lognberg, løgtingsmaður, landsstýrismenninir Hans Pauli Strøm og Bjørn Kalsø, og Birgit Kleis, ríkisumboðsmaður vóru ikki á fundi.

Farloyvi

Skriv frá Kaj Leo Johannesen, løgtingsmanni, dagfest 28. apríl 2004, við umsókn um farloyvi sambært § 63 í tingskipanini, frá 4. mai 2004, 10 dagar fram, og at næsti maður á lista Sambandsfloksins í Suðurstreymar valdømi tekur sæti á tingi. Formaðurin heitti á tingmenninar Vilhelm Johannesen, Marjus Dam og Kára P. Højgaard um at kanna, hvør næstvaldur er á lista Sambandsfloksins í Suðurstreymar valdømi.

Fundur niðurlagdur kl. 13.37.

Fundur uppafturtikin kl. 13.45.

Vilhelm Johannesen mælti til, vegna seg sjálvan, Marjus Dam og Kára P. Højgaard, at Heðin Mortensen tekur sæti á tingi fyri Kaj Leo Johannesen.
Samtykt uttan atkvøðugreiðslu.

Til viðgerðar:

1. 2. viðgerð av tingmáli nr. 61/2003: Ríkislógartilmæli um at seta í gildi fyri Føroyar "lov om Den Internationale Havretsdomstols kompetence og om fuldbyrdelse af Domstolens afgørelser i visse sager".
   Uppskot til ríkislógartilmæli samtykt 31-0-0. Uppskotið fer soleiðis samtykt til 3. viðgerð.
   
2. 2. viðgerð av tingmáli nr. 54/2003: Uppskot til løgtingslóg um broyting í løgtingslóg um viðgerð av persónsupplýsingum.
   §§ 1 og 2 fullu 10-0-19. Málið sostatt fallið.
   Málið avgreitt.
   
3. 2. viðgerð av tingmáli nr. 65/2003: Uppskot til løgtingslóg um broyting í løgtingslóg um viðgerð av persónsupplýsingum.
   Broytingaruppskot frá meirilutanum í rættarnevndini, Alfred Olsen, Kristian Magnussen, Poul Michelsen, Marjus Dam og Sverre Midjord, til § 1 samtykt 19-0-10. Uppskotið soleiðis broytt samtykt 19-0-10.
   Uppskotið fer soleiðis samtykt til 3. viðgerð.
   
4. 2. viðgerð av tingmáli nr. 40/2003: Uppskot til løgtingslóg um broyting í løgtingslóg um avgjald á framleiðslu og innflutningi.
   §§ 1 og 2 fullu 9-0-18. Málið sostatt fallið.
   Málið avgreitt.
   
5. 2. viðgerð av tingmáli nr. 59/2003: Uppskot til løgtingslóg um broyting í ymsum skattalógum (aligoymslur v.m).
   §§ 1 – 4 samtyktar 26-0-0. Uppskotið fer soleiðis samtykt til 3. viðgerð.
   
6. Jóannes Eidesgaard, løgmaður, svaraði fyrispurningi nr. 100-31/2003 frá Tórbjørn Jacobsen, løgtingsmanni, um almennar útsagnir og politiska habilitetin hjá nývalda norðurlandaráðsumboði Løgtingsins Óla Breckmann.
   Málið avgreitt.
   
7. Framløga.
   Formaðurin boðaði frá, at vinnunevndin hevur lagt fram álit í tingmálunum nr. 58/2003: Uppskot til løgtingslóg um broyting í løgtingslóg um aling av fiski v.m., og nr. 67/2003: Uppskot til løgtingslóg um annað útbjóðingarumfar til leiting eftir og framleiðslu av kolvetnum, og at mentanarnevndin hevur lagt fram álit í tingmáli nr. 68/2003: Uppskot til løgtingslóg um yrkisskeið.

Formaðurin setti næsta fund at verða mikudagin 5. mai 2004 kl. 13.30 við hesi dagsskrá:

1. Munnligir fyrispurningar.
2. 2. viðgerð av tingmáli nr. 50/2003: Uppskot til løgtingslóg um landsjørð.
3. 2. viðgerð av tingmáli nr. 51/2003: Uppskot til løgtingslóg um búnaðargrunn.
4. Framløga.

Fundur lokin kl. 16.23.

Edmund Joensen
løgtingsformaður

/Marius Rein skrivari