69. fundur

Ár 2004, mikudagin 21. apríl kl. 13.30 varð tingfundur settur.

Løgtingsmenninir Johan Dahl og Jenis av Rana, Jógvan á Lakjuni, landsstýrismaður, og Birgit Kleis, ríkisumboðsmaður, vóru ikki á fundi.

1. Munnligir fyrispurningar.
   
2. Atkvøðugreiðsla um fyrispurning nr. 100-35/2003 til Hans Paula Strøm, landsstýrismann í almanna- og heilsumálum, frá løgtingsmonnunum Jenis av Rana og Bill Justinussen um kanningar og viðgerð av føroyskum fostrum - og um framtíðarætlanir á økinum.
   Samtykt uttan atkvøðugreiðslu, at fyrispurningurin skal svarast.
   
3. 1. viðgerð av tingmáli nr. 64/2003: Uppskot til løgtingslóg um sjúkratrygd til fiskimenn.
   Málið beint í vinnunevndina.
   
4. 1. viðgerð av tingmáli nr. 62/2003: Uppskot til løgtingslóg um keyp av talgildari heilsuskipan til føroyska heilsuverkið.
   Málið beint í trivnaðarnevndina.
   
5. Framløga.
   Formaðurin boðaði frá, at mentanarnevndin hevur lagt fram álit í tingmálunum nr. 39/2003: Uppskot til samtyktar um almennan málpolitikk, nr. 52/2003: Uppskot til samtyktar um framtøk fyri føroyskar tónleikarar og nr. 55/2003: Uppskot til samtyktar um miðvís framtøk fyri gransking, tøkni og menning í Føroyum, og at vinnunevndin hevur lagt fram álit í tingmáli nr. 50/2003: Uppskot til løgtingslóg um landsjørð.

Tikið av dagsskrá:
Svar upp á fyrispurning nr. 100-26/2003 til Jógvan við Keldu, landsstýrismann, frá Kára P. Højgaard, løgtingsmanni, viðvíkjandi vallógini.

Formaðurin fráboðaði hesar fyrispurningar:
Nr. 100-36/2003 til Jógvan á Lakjuni, landsstýrismann í mentamálum, frá Páll á Reynatúgvu, løgtingsmanni, viðvíkjandi tímabýtinum hjá smærru bygdaskúlunum, og
nr. 100-37/2003 til Jógvan á Lakjuni, landsstýrismann í mentamálum, frá Bill Justinussen, løgtingsmanni, viðvíkjandi stovnsetan av serskúla í Eysturoynni.

Formaðurin setti næsta fund at verða hósdagin 22. apríl 2004 kl. 10.00 við hesi dagsskrá:

1. Atkvøðugreiðsla um fyrispurning nr. 100-36/2003 til Jógvan á Lakjuni, landsstýrismann í mentamálum, frá Páll á Reynatúgvu, løgtingsmanni, viðvíkjandi tímabýtinum hjá smærru bygdaskúlunum.
2. Atkvøðugreiðsla um fyrispurning nr. 100-37/2003 til Jógvan á Lakjuni, landsstýrismann í mentamálum, frá Bill Justinussen, løgtingsmanni, viðvíkjandi stovnsetan av serskúla í Eysturoynni
3. 1. viðgerð av tingmáli nr. 63/2003: Uppskot til samtyktar um trygdarpolitikk Føroya.
   Málið verður beint í uttanlandsnevndina.
4. Svar upp á fyrispurning nr. 100-26/2003 til Jógvan við Keldu, landsstýrismann, frá Kára P. Højgaard, løgtingmanni, viðvíkjandi vallógini.
5. 1. viðgerð av tingmáli nr. 68/2003: Uppskot til løgtingslóg um yrkisskeið.
   Málið verður beint í mentanarnevndina.
6. Svar upp á fyrispurning nr. 100-32/2003 til Jógvan við Keldu, landsstýrismann, frá Kára P. Højgaard, løgtingsmanni, viðvíkjandi kommunalum partafelagi.
7. Framløga.

 Fundur lokin kl. 19.48 

Edmund Joensen
løgtingsformaður

/Marius Rein
skrivari