Gerðabók
Løgtingsins fyri tingsetuna 2001 |
61. fundur |
Mikudagur 20. februar 2002 |
kl. 13.30 |
Ár 2002, mikudagin 20. februar, kl. 13.30, varð tingfundur settur í
útvarpshøllini.
Løgtingsmenninir Finnbogi Arge, Ingi Olsen, Lisbeth L. Petersen og Marjus Dam, og
ríkisumboðsmaðurin vóru ikki á fundi.
Til viðgerðar:
Munnligir
fyrispurningar.
Atkvøðugreiðsla um fyrispurning nr. 100-51/2001
til Sámal Petur í Grund, landsstýrismann í almanna- og heilsumálum, frá Jenis av
Rana, løgtingsmanni, viðvíkjandi bíðitíð til viðgerðar á føroyska
sjúkrahúsverkinum.
Samtykt uttan atkvøðugreiðslu, at fyrispurningurin skal svarast.
1. viðgerð av tingmáli nr. 58/2001:
Uppskot til løgtingslóg um broyting í løgtingslóg um meirvirðisgjald.
Málið beint í fíggjarnevndina.
1. viðgerð av tingmáli nr. 59/2001:
Uppskot til løgtingslóg um broyting í løgtingslóg um rentustuðul.
Málið beint í fíggjarnevndina.
Tingmálini nr. 58/2001 og nr. 59/2001 vórðu viðgjørd undir einum.
Framløga.
Formaðurin boðaði frá, at Bjarni Djurholm, landsstýrismaður, vegna landsstýrið,
hevur lagt fram tingmál nr. 56/2001:
Uppskot til løgtingslóg um broyting í løgtingslóg um ferðslu, at Jørgen Niclasen,
landsstýrismaður, vegna landsstýrið, hevur lagt fram tingmál nr. 65/2001:
Uppskot til løgtingslóg um broyting í løgtingslóg um vinnuligan fiskiskap, og at
tingmenninir Hans Pauli Strøm, Kristian Magnussen, Finnur Helmsdal, Annita á
Fríðriksmørk og Jenis av Rana hava lagt fram tingmál nr. 66/2001:
Uppskot til samtyktar um at umskipa Føroya Lívstrygging, so at tryggingartakararnir
fáa fulla ávirkan og innlit.
Formaðurin setti næsta fund at verða hósdagin 21. februar 2002 kl. 13.30 við hesi
dagsskrá:
1. viðgerð av tingmáli nr. 60/2001:
Uppskot til samtyktar um broyting í løgtingslóg um kringvarp.
Málið verður beint í mentanarnevndina.
1. viðgerð av tingmáli nr.
61/2001: Uppskot til løgtingslóg um barnaumboðsmann.
Málið verður beint í trivnaðarnevndina.
1. viðgerð av tingmáli nr.
62/2001: Uppskot til løgtingslóg um broyting í lógarkunngerð um barnaforsorg.
Málið verður beint í trivnaðarnevndin.
1. viðgerð av tingmáli nr. 63/2001:
Uppskot til løgtingslóg um broyting í løgtingslóg um val til Føroya Løgting.
Málið verður beint í rættarnevndina.
Framløga
Fundur lokin kl. 16.15.
Finnbogi Ísakson
løgtingsformaður
/Marius Rein
skrivari