Gerðabók
Løgtingsins fyri tingsetuna 2001 |
55. fundur |
Týsdagur 12. februar 2002 |
kl. 13.30 |
Ár 2002, týsdagin 12. februar, kl. 13.30, varð tingfundur settur í
útvarpshøllini.
Løgtingsmenninir Jógvan við Keldu, Helena Dam á Neystabø, Páll á Reynatúgvu og
Heini O. Heinesen, Anfinn Kallsberg, løgmaður, landsstýrismenninir Karsten Hansen og
Sámal Petur í Grund og ríkisumboðsmaðurin vóru ikki á fundi.
Formaðurin las skriv frá tingbólkinum hjá Javnaðarflokkinum og Helenu Dam á
Neystabø, dagfest 8. februar 2002, har boðað verður frá, at Helena Dam á Neystabø
frá 8. februar 2002 er limur í tingbólki Javnaðarfloksins.
Til viðgerðar:
- Atkvøðugreiðsla um fyrispurning nr. 100-49/2001
til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi
vatninum í Sumbiarbergholinum.
Samtykt uttan atkvøðugreiðslu, at fyrispurningurin skal svarast.
- Aðalorðaskifti um løgtingsmál nr. 101-6/2001:
Frágreiðing sambært § 51, stk. 4 í tingskipanini frá landsstýrismanninum í
mentamálum um frískúlar.
Málið avgreitt.
- Framløga.
Formaðurin boðaði frá, at Bjarni Djurholm, landsstýrismaður, vegna landsstýrið,
hevur lagt fram tingmál nr. 57/2001:
Uppskot til løgtingslóg um broyting í løgtingslóg um bygging av nýggjari
suðuroyarferju.
Formaðurin fráboðaði fyrispurning nr. 100-50/2001
til Bjarna Djurholm landsstýrismann, frá Kára P. Højgaard, løgtingsmanni,
viðvíkjandi koyriroynd hjá eysturoyingum.
Formaðurin setti næsta fund at verða mikudagin 13. februar 2002 kl. 13.30 við hesi
dagsskrá:
- Ófráboðaðir fyrispurningar.
- Atkvøðugreiðsla um fyrispurning nr. 100-50/2001
til Bjarna Djurholm landsstýrismann, frá Kára P. Højgaard, løgtingsmanni,
viðvíkjandi koyriroynd hjá eysturoyingum
- 2. viðgerð av tingmáli nr.
48/2001: Uppskot til løgtingslóg um broyting í løgtingslóg um meirvirðisgjald.
- Møguliga 1. viðgerð av tingmáli nr.
57/2001: Uppskot til løgtingslóg um broyting í løgtingslóg um bygging av
nýggjari suðuroyarferju.
- Svar upp á fyrispurningur nr. 100-45/2001
til Bjarna Djurholm, landstýrismann, frá Marjus Dam, løgtingsmanni, viðvíkjandi
parkeringsviðurskiftum kring flogvøllin.
- Framløga.
Fundur lokin kl. 17.00.
Finnbogi Ísakson
løgtingsformaður
/Marius Rein
skrivari