Ár 2002, hósdagin 31. januar, kl. 13.30, varð tingfundur settur í útvarpshøllini.

Løgtingsmenninir Jógvan við Keldu, Dan R. Petersen, Flemming Mikkelsen, Lisbeth L. Petersen, og landsstýrismenninir Óli Holm og Eyðun Elttør vóru ikki á fundi.

Formaðurin las skriv frá Helenu Dam á Neystabø, løgtingsmanni, dagfest 31. januar 2002, har boðað verður frá, at hon ikki longur er partur av parlamentariska grundarlagnum undir samgonguni.

1. Ófráboðaðir fyrispurningar.
   Málið avgreitt.
   
2. 2. viðgerð av tingmáli nr.27/2001: Løgtingslóg um broyting í løgtingslóg um skatt av rentutrygging v.m. (rentutryggingarlógin)
   Broytingaruppskot frá fíggjarnevndini til § 1 samtykt 26-0-0 Uppskotið soleiðis broytt samtykt 26-0-0. Uppskotið fer soleiðis samtykt til 3. viðgerð.
   
3. 2. viðgerð av tingmáli nr. 38/2001: Uppskot til løgtingslóg um broyting í løgtingslóg um landsskatt og kommunuskatt (skattalógin)
   Broytingaruppskot frá minnilutanum í fíggjarnevndini, Lisbeth L. Petersen, Flemming Mikkelsen og Vilhelm Johannesen til § 1 fall 10-0-17. §§ 1 og 2 samtyktar 27-0-0. Uppskotið fer soleiðis samtykt til 3. viðgerð.
   
4. 1. viðgerð av tingmáli nr. 49/2001: Uppskot til løgtingslóg um broyting í rúsdrekkalógini.
   Málið beint í vinnunevndina.
   
5. Framløga.
   Formaðurin boðaði frá, at Karsten Hansen, landsstýrismaður, vegna landsstýrið hevur lagt fram tingmál nr. 48/2001: Uppskot til løgtingslóg um broyting í løgtingslóg um meirvirðisgjald, og at fíggjarnevndin hevur lagt fram álit í tingmáli nr. 44/2001: Uppskot til løgtingslóg um avgjald av framleiðslu og innflutningi

Tikið av dagsskrá:
1. viðgerð av tingmáli nr. 50/2001: Uppskot til løgtingslóg um adressur.

Formaðurin fráboðaði hesar fyrispurningar:
Nr.100-46/2001 til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi bakkaverjuni í Sumba,
nr. 100-47/2001 til Óla Holm, landsstýrismann, frá Finni Helmsdal, løgtingsmanni, viðvíkjandi Fróðskaparsetri Føroya og
nr. 100-48/2001 til Bjarna Djurholm, landsstýrismann, frá Rúnu Sivertsen, løgtingsmanni, viðvíkjandi hoyrilíkindum hjá bátum í føroyskum sjógvi.

Formaðurin setti næsta fund at verða týsdagin 5. februar 2002 kl. 13.30 við hesi dagsskrá:

1. Óli Holm, landsstýrismaður, leggur fram løgtingsmál nr. 101-6/2001: Frágreiðing sambært grein 51, stk. 4 í tingskipanini um frágreiðingina um frískúlar.
   Aðalorðaskifti verður týsdagin 12. februar 2002.
2. Atkvøðugreiðsla um fyrispurning nr. 100-46/2001 til Bjarna Djurholm, landsstýrismann, frá Hergeir Nielsen, løgtingsmanni, viðvíkjandi bakkaverjuni í Sumba.
3. Atkvøðugreiðsla um fyrispurning nr. 100-47/2001 til Óla Holm, landsstýrismann, frá Finni Helmsdal, løgtingsmanni, viðvíkjandi Fróðskaparsetri Føroya.
4. Atkvøðugreiðsla um fyrispurning nr. 100-48/2001 til Bjarna Djurholm, landsstýrismann, frá Rúnu Sivertsen, løgtingsmanni, viðvíkjandi hoyrilíkindunum hjá bátum í føroyskum sjóøki.
5. 3. viðgerð av tingmáli nr. 27/2001: Uppskot til løgtingslóg um broyting í løgtingslóg um skatt av rentutrygging v.m. (Rentutryggingarlógin).
6. 3. viðgerð av tingmáli nr. 38/2001: Uppskot til løgtingslóg um broyting í løgtingslóg um landsskatt og kommunuskatt (Skattalógin).
7. 2. viðgerð av tingmáli nr. 44/2001: Uppskot til løgtingslóg um avgjald av framleiðslu og innflutningi.
8. 1. viðgerð av tingmáli nr. 50/2001: Uppskot til løgtingslóg um adressur.
9. Svar upp á fyrispurning nr. 100-42/2001 frá Heðin Mortensen, løgtingsmanni, til Bjarna Djurholm, landsstýrismann, viðvíkjandi ferðasambandinum Gamlarætt – Hest.
10. Svar upp á fyrispurning nr. 100-25/2001 frá Lisbeth L. Petersen, løgtingsmanni, til ríkisumboðsmannin viðvíkjandi rentum til Danmarkar
11. Framløga.

Fundur lokin kl. 17.40

Finnbogi Ísakson
løgtingsformaður 

/Beinta Isaksen
skrivari