Ár 2002, fríggjadagin 18. januar, kl. 10.00, varð tingfundur settur í útvarpshøllini.

Løgtingsmenninir Henrik Old, Katrin Dahl Jakobsen, Helena Dam á Neystabø og Finnur Helmsdal, løgmaður, og landsstýrismenninir Jørgen Niclasen, Bjarni Djurholm, Óli Holm, Sámal Petur í Grund og Eyðun Elttør vóru ikki á fundi.

1. Atkvøðugreiðsla um fyrispurning nr. 100-44/2001 til Sámal Petur í Grund, landsstýrismann í almanna- og heilsumálum, frá Annitu á Fríðriksmørk, løgtingsmanni, viðvíkjandi dagpeningaskipanini.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 44/2001: Uppskot til løgtingslóg um avgjald á framleiðslu og innflutningi.
   Málið beint í fíggjarnevndina.
   
3. Birgit Kleis, ríkisumboðsmaður, svaraði fyrispurningi nr. 100-43/2001 frá Hans Paula Strøm, løgtingsmanni, viðvíkjandi sýslumansskrivstovuni í Vestmanna.
   Málið avgreitt.

Formaðurin fráboðaði fyrispurning nr. 100-45/2001 til Bjarna Djurholm, landstýrismann, frá Marjus Dam, løgtingsmanni, viðvíkjandi parkeringsviðurskiftum kring flogvøllin.

Formaðurin setti næsta fund at verða týsdagin 22. januar 2002 kl. 13.30 við hesi dagsskrá:

1. Anfinn Kallsberg, løgmaður, leggur fram løgtingsmál nr. 101-5/2001: Frágreiðing sambært grein 51, stk. 4 í tingskipanini frá løgmanni, um frágreiðingina um at einskilja fyritøkur landsins.
   Aðalorðaskifti um málið verður týsdagin 29. januar 2002.
2. Atkvøðugreiðsla um fyrispurning nr. 100-45/2001 til Bjarna Djurholm, landstýrismann, frá Marjus Dam, løgtingsmanni, viðvíkjandi parkeringsviðurskiftum kring flogvøllin.
3. Aðalorðaskifti um tingmál nr. 101-3/2001: Frágreiðing frá landsstýrismanninum í umhvørvismálum sambært § 51, stk. 4 í tingskipanini um náttúru- og umhvørvisvernd.
4. Framløga.

 Fundur lokin kl. 11.20. 

Finnbogi Ísakson
løgtingsformaður

/Marius Rein
skrivari