Ár 2002, týsdagin 15. januar, kl. 13.30, varð tingfundur settur í útvarpshøllini.

Løgtingsmenninir Jákup Suni Joensen og Katrin Dahl Jakobsen og landsstýrismenninir Karsten Hansen og Sámal Petur í Grund vóru ikki á fundi.

Formaðurin boðaði frá, at Lisbeth L. Petersen í skrivi, dagfest 14. januar 2002, sigur frá, at hon tekur sæti aftur á tingi 15. januar 2002.

Farloyvi:
Skriv frá Jákup Suna Joensen, dagfest 15. januar 2002, við umsókn um farloyvi frá 16. januar 2002, og at næsti maður á lista Fólkafloksins í Norðstreymoyar valdømi tekur sæti á tingi. Samtykt uttan atkvøðugreiðslu, at Ingi Olsen, ið áður hevur verið á tingi, skal taka sæti fyri Jákup Suna Joensen.

1. Eyðun Elttør, landsstýrismaður, legði fram løgtingsmál nr. 101-3/2001: Frágreiðing frá landsstýrismanninum í umhvørvismálum sambært § 51, stk. 4 í tingskipanini um náttúru- og umhvørvisvernd.
   
2. Óli Holm, landsstýrismaður, svaraði fyrispurningi nr. 100-41/2001 frá Jóanis Nielsen, løgtingsmanni, viðvíkjandi ferðastuðli til yrkislærlingar og lesandi undir 18 ár.
   Málið avgreitt.
   
3. Birgit Kleis, ríkisumboðsmaður, svaraði fyrispurningi nr. 100-35/2001 frá Jenis av Rana, løgtingsmanni, viðvíkjandi hjúnabandslógini.
   Málið avgreitt.
   
4. Framløga.
   Formaðurin boðaði frá, at Karsten Hansen, landsstýrismaður, vegna landsstýrið, hevur lagt fram tingmál nr. 44/2001: Uppskot til løgtingslóg um avgjald á framleiðslu og innflutningi, at Hans Pauli Strøm, løgtingsmaður, vegna Javnaðarflokkin, hevur lagt fram tingmálini nr. 45/2001: Uppskot til  løgtingslóg um marknaðarføring og nr. 46/2001: Uppskot til  ríkislógartilmæli um brúkarakærunevnd, og at Alfred Olsen, løgtingsmaður, vegna Sambandsflokkin, hevur lagt fram tingmál nr. 47/2001: Uppskot til løgtingslóg um broyting í løgtingslóg um samsýning og eftirløn landsstýrismanna v.m.

Tikið av dagsskrá:
Svar upp á fyrispurning nr. 100-25/2001 til ríkisumboðsmannin frá Lisbeth L. Petersen, løgtingsmanni, viðvíkjandi rentum til Danmarkar.

Formaðurin setti næsta fund at verða hósdagin 17. januar 2002 kl. 13.30 við hesi dagsskrá:

1. 1. viðgerð av tingmáli nr. 45/2001: Uppskot til  løgtingslóg um marknaðarføring.
2. 1. viðgerð av tingmáli nr. 46/2001: Uppskot til  ríkislógartilmæli um brúkarakærunevnd.
   Málini nr. 45/2001 og nr. 46/2001 verða viðgjørd undir einum og beind í vinnunevndina.
3. 1. viðgerð av tingmáli nr. 47/2001: Uppskot til løgtingslóg um broyting í løgtingslóg um samsýning og eftirløn landsstýrismanna v.m.
   Málið verður beint í fíggjarnevndina.
4. Famløga.

 Fundur lokin kl. 14.20. 

Finnbogi Ísakson
løgtingsformaður

/Marius Rein
skrivari