Gerðabók
Løgtingsins fyri tingsetuna 2001 |
29. fundur |
Hósdagur 22. november 2001 |
kl. 13.30 |
Ár 2001, hósdagin 22. november, kl. 13.30, varð tingfundur settur í
útvarpshøllini.
Løgtingsmenninir Óli Breckmann, Rúna Sivertsen, Vilhelm Johannesen og Marjus Dam, og
ríkisumboðsmaðurin vóru ikki á fundi.
Formaðurin boðaði frá, at Kári P. Højgaard í skrivi, dagfest 19. november 2001,
boðar frá, at hann tekur sæti á tingi aftur 19. november 2001.
Til viðgerðar:
- Ófráboðaðir
fyrispurningar.
- Atkvøðugreiðsla um fyrispurning nr. 100-37/2001
til Bjarna Djurholm, landsstýrismann, frá Signar á Brúnni, løgtingsmanni, um
verkætlanina berghol Millum Fjarða og Kambsdal.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-38/2001
til Bjarna Djurholm, landsstýrismann, frá Signar á Brúnni, løgtingsmanni,
viðvíkjandi gjaldi fyri skúlabarnaflutning.
Samtykt uttan atkvøðugreiðslu, at fyrispurningurin skal svarast.
- 3. viðgerð av tingmáli nr. 14/2001:
Uppskot til ríkislógartilmæli um avtøku av hernaðarligu revsi- og
rættargangslógunum.
Uppskotið, sum samtykt við 2. viðgerð, endaliga samtykt 27-0-0.
Málið avgreitt.
- 1. viðgerð av tingmáli nr.
24/2001: Uppskot til løgtingslóg um broyting í løgtingslóg um Toll- og
skattafyrisiting.
Málið beint í fíggjarnevndina.
- 1. viðgerð av tingmáli nr.
27/2001: Uppskot til løgtingslóg um broyting í løgtingslóg um skatt av
rentutrygging v.m. (rentutryggingarlógin)
Málið beint í fíggjarnevndina.
Tikið av dagsskrá:
1. viðgerð av tingmáli nr. 25/2001:
Uppskot til løgtingslóg um broyting í løgtingslóg um skattligar avskrivingar v.m.
(avskrivingarlógin), 1. viðgerð av tingmáli nr. 26/2001: Uppskot
til løgtingslóg um broyting í løgtingslóg um landsskatt og kommunuskatt
(Skattalógin), 1. viðgerð av tingmáli nr. 33/2001:
Uppskot til løgtingslóg um broyting í løgtingslóg um skattafría samanlegging o.a.,
1. viðgerð av tingmáli nr. 34/2001:
Uppskot til løgtingslóg um broyting í løgtingslóg um landsskatt og kommunuskatt
(Skattalógin), og 1. viðgerð av tingmáli nr.
35/2001: Uppskot til løgtingslóg um skatt av kapitalvinningi
(Kapitalvinningsskattalógin).
Formaðurin setti næsta fund at verða fríggjadagin 23. november 2001 kl. 10.00, við
hesi dagsskrá:
- 1. viðgerð av tingmáli nr.
17/2001: Uppskot til løgtingslóg um bygging av nýggjari suðuroyarferju.
Málið verður beint í vinnunevndina.
- 1. viðgerð av tingmáli nr. 31/2001:
Uppskot til løgtingslóg um broyting í løgtingslóg um yrkisskúlar.
Málið verður beint í mentanarnevndina.
- 1. viðgerð av tingmáli nr. 32/2001:
Uppskot til ríkislógartilmæli um at seta í gildi fyri Føroyar "lov om
behandling af personoplysinger".
Málið verður beint í rættarnevndina.
- Framløga.
Fundur lokin kl. 15.35.
Finnbogi Ísakson
løgtingsformaður
/Marius Rein
skrivari