Ár 2001, fríggjadagin 2. november, kl. 10.00, varð tingfundur settur í útvarpshøllini.

Til viðgerðar:

1. Atkvøðugreiðsla um fyrispurning nr. 100-30/2001 til Sámal Petur í Grund, landsstýrismann, frá Annitu á Fríðriksmørk, løgtingsmanni, viðvíkjandi bústaðarviðurskiftunum/-trupulleikunum.
   Samtykt uttan atkvøðugreiðslu, at fyrispurningurin skal svarast.
   
2. 1. viðgerð av tingmáli nr. 14/2001: Uppskot til ríkislógartilmæli um avtøku av hernaðarligu revsi- og rættargangslógunum.
   Málið beint í rættarnevndina.
   
3. Framhaldandi 2. viðgerð av tingmáli nr. 1-2/2001: Uppskot til eykajáttanarlóg september 2001.
   Broytingaruppskot frá Páll á Reynatúgvu til § 7 samtykt 16-4-12.
   Broytingaruppskot frá minnilutanum í fíggjarnevndini, Vilhelm Johannesen, til § 6 fall 14-1-17. Broytingaruppskot frá minnilutanum í fíggjarnevndini, Lisbeth L. Petersen og Flemming Mikkelsen, til § 6 fall 14-0-18. Broytingaruppskot frá samdari fíggjarnevnd til §§ 5 og 7 samtykt 32-0-0. Uppskotið soleiðis broytt samtykt 32-0-0. Uppskotið fer soleiðis samtykt til 3. viðgerð.
   
4. Framløga.
   Formaðurin boðaði frá, at fíggjarnevndin hevur lagt fram álit II í tingmáli nr. 1-2/2001: Uppskot til eykajáttanarlóg september 2001, og álit í tingmáli nr. 7/2001: Uppskot til samtyktar um ríkislógartilmæli um heildarveiting til Føroya í 2002 og uppskot til løgtingslóg um leiðbeinandi fólkaatkvøðu um sama ríkislógartilmæli

Tikið av dagsskrá:
Svar upp á fyrispurning nr. 100-16/2001 til Anfinn Kallsberg, løgmann, frá Edmund Joensen, løgtingsmanni, um yvirtøku av dómsvaldinum, og svar upp á fyrispurning nr. 100-17/2001 til Eyðun Elttør, landsstýrismann í oljumálum, frá Annitu á Fríðriksmørk, løgtingsmanni, um sosial árin frá oljuvinnuni.

Formaðurin fráboðaði hesar fyrispurningar:
Nr. 100-31/2001 til Bjarna Djurholm, landsstýrismann, frá Henrik Old, løgtingsmanni, viðvíkjandi koyring hjá Bygdaleiðum í Suðuroynni, og
nr. 100-32/2001 til Anfinn Kallsberg, løgmann, frá Hergeir Nielsen, løgtingsmanni, um sáttmálabrot

Formaðurin setti næsta fund at verða týsdagin 6. november 2001 kl. 13.30, við hesi dagsskrá:

1. Bjarni Djurholm, landsstýrismaður, leggur fram tingmál nr. 101-2/2001: Frágreiðing sambært § 51, stk. 4, í tingskipanini frá landsstýrismanninum í vinnumálum um ferðavinnupolitikk.
2. Atkvøðugreiðsla um fyrispurning nr. 100-31/2001 til Bjarna Djurholm, landsstýrismann, frá Henrik Old, løgtingsmanni, viðvíkjandi koyring hjá Bygdaleiðum í Suðuroynni.
3. Atkvøðugreiðsla um fyrispurning nr. 100-32/2001 til Anfinn Kallsberg, løgmann, frá Hergeir Nielsen, løgtingsmanni, um sáttmálabrot.
4. 1. viðgerð av tingmáli nr. 13/2001: Uppskot til løgtingslóg um fólkanøvn.
   Málið verður beint í rættarnevndina.
5. 2. viðgerð av tingmáli nr. 7/2001: Uppskot til samtyktar um ríkislógartilmæli um heildarveiting til Føroya í 2002 og uppskot til løgtingslóg um leiðbeinandi fólkaatkvøðu um sama ríkislógartilmæli.
6. Framløga.

 Fundur lokin kl. 12.45 

Finnbogi Ísakson
løgtingsformaður

/Marius Rein
skrivari