Gerðabók
Løgtingsins fyri tingsetuna 2001 |
21. fundur |
Fríggjadagur 26. oktober 2001 |
kl. 10.00 |
Ár 2001, fríggjadagin 26. oktober, kl. 10.00, varð tingfundur settur í
útvarpshøllini.
Løgtingsmenninir Jóanis Nielsen, Óli Breckmann, Ingi Olsen og Jógvan við Keldu,
Anfinn Kallsberg, løgmaður, landsstýrismenninir Jørgen Niclasen og Óli Holm, og
ríkisumboðsmaðurin vóru ikki á fundi.
Til viðgerðar:
- 2. viðgerð av tingmáli nr. 1-2/2001:
Uppskot til eykajáttanarlóg september 2001.
Uppskot frá Heina O. Heinesen um at beina málið aftur í nevnd samtykt 21-0-6. Málið beint aftur
í fíggjarnevndina.
- 3. viðgerð av tingmáli nr. 10/2001:
Uppskot til løgtingslóg um broyting í løgtingslóg um kringvarp.
Uppskotið, sum samtykt við 2. viðgerð, endaliga samtykt 25-1-0.
Málið avgreitt.
- Sámal Petur í Grund, landsstýrismaður, svaraði fyrispurningi nr. 100-19/2001
frá løgtingsmonnunum Jóannes Eidesgaard og Henrik Old viðvíkjandi koyringini til og
frá Varda Verkstaðnum á Bakka í Vági.
- Framløga.
Formaðurin boðaði frá, at Høgni Hoydal, landsstýrismaður, vegna landsstýrið,
hevur lagt fram tingmál nr. 14/2001:
Uppskot til ríkislógartilmæli um avtøku av hernaðarligu revsi- og
rættargangslógunum
Tikið av dagsskrá:
Svar upp á fyrispurning nr. 100-18/2001
til Bjarna Djurholm, landsstýrismann, frá Jóannes Eidesgaard, løgtingsmanni, um
landsvegin í Øravík.
Formaðurin fráboðaði fyrispurning nr. 100-30/2001
til Sámal Petur í Grund, landsstýrismann, frá Annitu á Fríðriksmørk,
løgtingsmanni, viðvíkjandi bústaðarviðurskiftunum/-trupulleikunum.
Formaðurin setti næsta fund at verða fríggjadagin 2. november 2001 kl. 10.00, við
hesi dagsskrá:
- Atkvøðugreiðsla um fyrispurning nr. 100-30/2001
til Sámal Petur í Grund, landsstýrismann, frá Annitu á Fríðriksmørk,
løgtingsmanni, viðvíkjandi bústaðarviðurskiftunum/-trupulleikunum.
- 1. viðgerð av tingmáli nr. 14/2001:
Uppskot til ríkislógartilmæli um avtøku av hernaðarligu revsi- og
rættargangslógunum.
- Svar upp á fyrispurning nr. 100-16/2001
til Anfinn Kallsberg, løgmann, frá Edmund Joensen, løgtingsmanni, um yvirtøku av
dómsvaldinum.
- Svar upp á fyrispurning nr. 100-17/2001
til Eyðun Elttør, landsstýrismann í oljumálum, frá Annitu á Fríðriksmørk,
løgtingsmanni, um sosial árin frá oljuvinnuni.
- Framløga.
Fundur lokin kl. 12.15
Finnbogi Ísakson
løgtingsformaður
/Marius Rein
skrivari