Ár 2001, týsdagin 23. oktober, kl. 13.30, varð tingfundur settur í útvarpshøllini.

Løgtingsmenninir Jógvan á Lakjuni, Flemming Mikkelsen og Edmund Joensen, og ríkisumboðsmaðurin vóru ikki á fundi.

Formaðurin boðaði frá, at Alfred Olsen í skrivi, dagfest 22. oktober 2001, boðar frá, at hann tekur sæti á tingi aftur 22. oktober 2001.

Formaðurin bar fram minningarorð um Birgir Danielsen, fyrrverandi løgtingsmann, ið andaðist tann 21. oktober 2001, og tingmenn mintust hann í tøgn.

Til viðgerðar:

1. Atkvøðugreiðsla um fyrispurning nr. 100-24/2001 til Jørgen Niclasen, landsstýrismann, frá Eyðun Viderø, løgtingsmanni, viðvíkjandi fyribyrging av vanlukkum, ið kunna elva til dálking í sjónum.
   Samtykt uttan atkvøðugreiðslu, at fyrispurningurin skal svarast.
   
2. Atkvøðugreiðsla um fyrispurning nr. 100-26/2001 til Anfinn Kallsberg, løgmann, frá Annitu á Fríðriksmørk, løgtingsmanni, viðvíkjandi almennu fyrisitingini.
   Samtykt uttan atkvøðugreiðslu, at fyrispurningurin skal svarast.
   
3. Atkvøðugreiðsla um fyrispurning nr. 100-28/2001 til Anfinn Kallsberg, løgmann, frá Henrik Old, løgtingsmanni, viðvíkjandi fólkakirkjuni.
   Samtykt uttan atkvøðugreiðslu, at fyrispurningurin skal svarast.
   
4. 2. viðgerð av tingmáli nr. 10/2001: Uppskot til løgtingslóg um broyting í løgtingslóg um kringvarp.
   §§ 1 og 2 samtyktar 28-0-1. Uppskotið fer soleiðis samtykt til 3. viðgerð.
   
5. Bjarni Djurholm, landsstýrismaður, svaraði fyrispurningi nr. 100-12/2001 frá Hans Paula Strøm, løgtingsmanni, viðvíkjandi løgtingssamtyktini um 120-daga regluna um uppsagnarfreist.
   Málið avgreitt.
   

Tikið av dagsskrá:
Svar upp á fyrispurning nr. 100-11/2001 til Anfinn Kallsberg, løgmann, frá Flemming Mikkelsen, løgtingsmanni, viðvíkjandi samskatting/serskatting av hjúnum.

Formaðurin fráboðaði hesar fyrispurningar:
Nr. 100-27/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi spekulasjón í sambandi við sølu av fiskiloyvum, og nr. 100-29/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi avgerðum í sambandi við skúlamálið á Trøllanesi.

Formaðurin setti næsta fund at verða mikudagin 24. oktober 2001 kl. 13.30, við hesi dagsskrá:

1. Atkvøðugreiðsla um fyrispurning nr. 100-27/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi spekulasjón í sambandi við sølu av fiskiloyvum.
2. Atkvøðugreiðsla um fyrispurning nr. 100-29/2001 til Anfinn Kallsberg, løgmann, frá Vilhelm Johannesen, løgtingsmanni, viðvíkjandi avgerðum í samband við skúlamálið á Trøllanesi.
3. Svar upp á fyrispurning nr. 100-13/2001 til Bjarna Djurholm, landsstýrismann í samferðslumálum, frá Jenis av Rana, løgtingsmanni, um fyribyrging móti ferðsluvanlukkum.
4. Svar upp á fyrispurning nr. 100-14/2001 til Óla Holm, landsstýrismann, frá Jógvan á Lakjuni, løgtingsmanni, viðv. lurtaragjaldi og framtíðar loftmiðlapolitikki.
5. Svar upp á fyrispurning nr. 100-15/2001 til Bjarna Djurholm, landsstýrismann, frá Marjus Dam, løgtingsmanni, viðvíkjandi siglingini um Vestmannasund.
6. Svar upp á fyrispurning nr. 100-17/2001 til Eyðun Elttør, landsstýrismann, frá Annitu á Fríðriksmørk, løgtingsmanni, um sosial árin frá oljuvinnuni.
7. Framløga.

Fundur lokin kl. 15.00

Finnbogi Ísakson
løgtingsformaður

/Marius Rein,
skrivari